Популярні біблійні вірші з Kessaabaa 32

Поділитись

Asai Muusee deriyaappe wodhdhennan keehi gam77idoogaa be7ido wode, Aaroona yuushuwan shiiqidi, “Haaya; neeni nuna kaalettiya xoossata nuuyyo medhdha. Aissi giikko, ha nuna Gibxxeppe ehiida Muusee waanidaakkonne nuuni erokko!” yaagidosona.

Yaanin GODAI Muusa, “Neeni eesuwan duge wodhdha; aissi giikko, ne asai, neeni Gibxxeppe kessada ehiidoogee nagaraa oottidi, bantta huuphiyaa tunissiichchidosona. Taani eta azazido ogiyaappe eti eesuwan sher77i giichchidosona. Worqqaa seerissidoogaa mara malatissidi, banttau eeqaa medhdhidosona. Medhdhidi ayyo goinnidosona; ayyo yarshshidosona. Eti, 'Israa7eelatoo, inttena Gibxxe biittaappe kessida intte xoossati hageeta' yaagidosona” yaagiis.

Aarooni hagaa be7ido wode, he maraa sinttan yarshshiyoosaa gimbbidi, “Wontto GODAA baalaa gallassa gidana” yaagidi erissiis. Hegaa gishshau, wonttetta gallassi asai guuran denddidi, xuuggiyo yarshshuwaa shiishshiis; issippetettaa yarshshuwaakka yarshshiis. Yaatidi asai maanaunne uyanau uttiis. Mi uyi simmidi, qassi duranau denddiis.

Wonttetta gallassi Muusee asaa, “Intte gita nagaraa oottideta; shin ha77i taani GODAAKKO pude deriyaa kiyana; geelladan intte nagaraa taani atto giissanaakkonne” yaagiis.