Популярні біблійні вірші з काम 1

Поділитись

पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।”

जणा बो बोल्यो, “बि दिन अर बि घड़ीनै जाणबा को काम थारो कोनी, क्युं क बा परम-पिता का हक तळै ह।

एक खास मोका प जद बे बिकै सागै जिमर्या हा जणा ईसु बानै हुकम दिओ, “थे यरूसलेम क बारनै पग मना धरज्यो, पण जि बरदान क बारां म थे मेरा मुंडाऊँ सुण्या हो बिकी बाट जोता रेहज्यो क्युं क बि बात को करार परम-पिता कर्यो ह। अर यहून्ना तो पाणी को बतिस्मो दिआ करतो हो, पण आबाळा दिना म थानै पबितर आत्मा को बतिस्मो मिलसी।”

बिकै सुळी प दुख भोगर मरबा क पाछै, बो बोळा पुक्‍ता सबूत देर खुदनै मरेड़ा मऊँ जिंदो साबित कर्यो, अर बो चाळिस दिना ताँई बानै दिखतो रिह्यो अर बाऊँ परमेसर का राज क बारां म बतळातो रिह्यो।

आ खेर बो बाकै देखता-देखताई ईस्बर नगरी म उठा लिओ गयो अर एक बादळी बिनै ढक लिनी।

अर बे बिनै जातानै एकटोर आसमान कानि देखर्या हा जणा अत्ता मई दो मिनख एकदम धोळा गाबा म बाकन आर खड़्या होगा। अर बाऊँ बोल्या, “अरै गलिली मिनखो, खड़्या-खड़्या आसमान म काँई देखर्या हो? ओ ईसु जिनै थारै मऊँ ईस्बर नगरी म उठायो गयो ह ओ जंय्यां गयो ह बंय्‍यांई पाछो आसी।”