Популярні біблійні вірші з Lntadan 15

Поділитись

Rmengo ka heya: “Netun namu thei kari Utux Tmninun, Utux Baro su, moda su noda msderux doriq mu, mbahang pndakar mu gaya ma, muyu su kana gaya de, uxe mu psaun heyi namu ka mnarux bnege mu dseediq Micrayim. Ado yaku we Utux Tmninun ku mpkmalu yamu.”

Beyax mu ka Utux Tmninun, uyas mu ka heya ma, mdoi baga mu ka heya. Heya we Utux Baro mu, mptndahu ku heya. Heya we Utux Baro ntama mu, mpsparu ku mita heya.

Utux Tmninun! Ckceka duutux we ima ka mntena isu ho? Ima mntena sunan so nii mrtaso ma knledax, paru tndhuun ma paru ba kcugun, meepah su qneepah sklwiun noda!

Sdoi su baga gnaalu dmudul gmberih maruy seediq su. Sdoi su paru beyax dmudul dheya betaq mrtaso nniqan su.

Dehuk dxeral Marah ka dheya we ini mahi ka qsiya Marah. Ado mngihur ka qsiya. Kiya de Marah kesun daha tmngayan ka dxeral kiya. Smnetur mseang Moseh ka dseediq Israel, rmengo: “Miimah miyan maanu ka yami da ho?” Mlawa dmurun Utux Tmninun ka Moseh. Kiya de Utux Tmninun we spqita na heya ka 1 qhuni. Sqada na ckceka qsiya ka qhuni nii de asi ksibus ka qsiya da. Utux Tmninun we mege kari pndakar ma gaya bneku ooda dheya hiya ka heya. Pseung dheya meniq hiya.