Популярні біблійні вірші з Usukuyony 8

Поділитись

Na kyeeri aleporomwa muuri wa mfungare, kukava kimammya sau iruveu ando a kyenga kya saa.

Nnsu wa mbee kakapa iranda, mmbwa ya masaawe na muro fisasangyi na samu, fikeerwa urukeny; kyenga kya kararu kya uruka kyikasarumya, na mooro mmbisi moose ukasarumya.

Numa ya vayo shalollya na sheeta uviri lwiirumbukaa efo iruveu, lukaamba na unyanga waasha, “Oshiny, oshiny oshiny lwa yewo vakee ulaniny, kimaruma kya ngyunyanga ta maranda a vasu vararu eto tisaaye-fo, nawo vankudeesya itikapa.”

Nnsu wa kavii kakapa iranda, kukalollyo-u kindo kivakye ifumbu yaasha lyishakaa muro kikeerwa yeeveny, kyenga kya kararu kya yeeve kikava samu.

Nnsu wa kararu kakapa iranda, nyinyiri imwi niini ikawa yuuka iruveu, iishakaa sha taa, ikawoya kyenga kya kararu kya mira, na ngyusoka ta mura. Na irina lya nyinyiri ilya ni Kivawo; kyenga kya kararu kya mura kikavava deny, na vandu veengyi vakafwa kyeendwa mmura yeto.

Nnsu wa kaana kakapa iranda, kyenga kya kararu kya nkyeere kikakapwa, na kya mwiiri na kya nyinyiri, fyenga efyo fya kararu fikava ireema, nsanyiny kyenga kya kararu uve ireema na kio nakyo.