Популярні біблійні вірші з Usukuyony 12

Поділитись

Nawo vakambinga na samu ya Ngurana ya Iruva na irero lya ukureekyi lwawo, nawo mbalelanga muu wawo-fo, fika ifwa.

Sheeta unyanga uniini iruveu lwishaambaa, “Ulaalu ukiro lwambonika, na finya na umangyi lwa Iruva weeru, na ushilyi lwa Kristo wakwe, mashika nkumbi wa vanavamaye veru ammeerwa si, yeto ekeevakumba kwa Iruva weeru kio na nsanyiny.

Shoka yeyo ikafwallyo si, shoka yeyo shiniini, shoka nguu, ivaangwaa Nkumbi na Satana, yeto mwireta ulana loose, keerwa ulaniny, na vasu vakwe ando amwi nayo.

Naasa, kyeseny, yeni va iruveu na woose va efo. Oshiny lwa uruka na yeeve! Mashika nkumbi yeto mmbo ammooloka kwany etirwa ni unyafi uniini, eishi sheelyi ni fyeeri fyaangu-da atiri.”

Naasa kukakaa-fo fira efo iruveu. Mikaeli na vasu vakwe vakakapana na shoka ilya, na shoka yeyo nayo ikakapana nawo na vasu va vayo.

Shoka yeyo ikasua nka yeto, ikeenda naambo indekapa fira na vana va nka yeto yewo valesaau, yewo veringa mavavaso a Iruva, netira ukureekyi lwa Yesu, nawe kashesalala yoo nsangeny wa yeeve.

Naasa wende uniini lukalollyo iruveu, nka aree nkyeere na mwiiri ukakaa yo si ya marende akwe, na nrweny wakwe ureto lwa nyinyiri ikumi na ivii. Nawe mmbo ekufingye, effwaa elyiwaa ni usu lwa mwana.

Nawe mmbo aleningwa mwana wa kyuumi, nawe mmbo asheesaa vandu va masanga woose na nsengye wa minya. Na mwana wakwe karukwau kafitwa kwa Iruva, yoo kitiminy kyakwe kya itumbe. Nka ulya karishya kasa, nakooye ando akee nsongosye ni Iruva, naambo nalalollyo-fo ando a mikonu 1,260.

Lukalollyo wende lungyi iruveu, shoka niini idodorye, itiri mirwe mfungare na mbembe ikumi, na efo mirweny ya vayo ikaraa ngyureto mfungare. Na nkya wa vayo wirufwaa laura ya nyinyiri ta iruveu, netituula ulaniny. Na shoka ilya ikasalala mbee ya nka ulya akeelyiwa ni usu lwa mwana, naambo elyi aniingwaa mwana ilye mwana yeto wakwe.

Nka ulya kaniingyo maaru avii a uviri llwa uniini naambo narumbuke neende ando akwe efo kasa, yoo akeelelwa ando a myaaka iraru na kyenga, nakee kwaasha na shoka yeyo. Shoka yeyo ikauta mura-mfongo nniini efo kaniny ka vayo ukasha yoo numa ya nka yeto naambo umweete! Ulana lukaekya nka yeto, ulana lukatarambwa kana ka vayo lukamira mura ulya moose uleuka kaniny ka shoka yeyo.