Популярні біблійні вірші з Rum 6

Awit upahé dosa kuwi pati, nanging kawelasané Gusti Allah kuwi urip langgeng ing Kristus Yésus, Gusti kita.

Awit dosa ora bakal ngwasani kowé menèh, awit kowé pada ora dikwasani karo angger-anggeré Torèt, nanging dikwasani karo kawelasan-Né.

Dadi, kita wis pada mèlu dikubur karo Panjenengané, karo baptisan pati mau, supaya pada kayadéné Kristus wis tangi menèh sangka antarané wong mati karo kamulyané Bapak, mengkono uga kita bakal urip ing sak njeruhné urip sing anyar.

Lan kowé aja masrahké pérangané awakmu marang dosa kanggo gamané sing duraka, nanging awakmu pasrahna marang Gusti Allah, kaya wong sing mauné mati, nanging saiki urip. Lan pérangané awakmu kuwi pasrahna marang Gusti Allah, kanggo gaman nindakké apa sing bener.

Awit kita pada mangertèni yèn kamanungsan kita sing lawas kuwi wis mèlu dipentèng, supaya dosa entèk kwasané, lan kita pada ora ngabdi marang dosa menèh.

Semono uga enggonmu nyawang ya mengkono: Kowé wis pada mati kanggo dosa, nanging kowé pada urip ngladèni marang Gusti Allah ing Kristus Yésus.

Yèn mengkono, apa sing bakal kita omongaké? Apa kita dililani pada mblarah ing sak njeruhné dosa, supaya tambah-tambah gedéné kawelasan-Né? Babar pisan ora! Kita apa ora wis mati kanggo dosa, kepriyé enggon kita ijik pada bisa urip ing sak njeruhné dosa mau?

Apa kowé pada ora mangertèni, yèn kowé masrahké awakmu marang sakwijiné wong dadi abdi sing manut, kuwi tegesé kowé dadi abdiné wong sing kudu kok turuti, embuh ing bab dosa sing nggèrèt kowé marang pati, embuh manutmu sing nuntun kowé marang sing bener?

Nanging maturkesuwun marang Gusti Allah! Mauné kowé kuwi dadi baturé dosa, nanging saiki karo sak kabèhé atimu kowé wis pada manut marang piwulang sing diteruské marang kowé. Kowé wis pada diluwari sangka dosa lan dadi abdiné sing bener.