Популярні біблійні вірші з Éxodo 32

Поділитись

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.

Ja̧danö, Isabenö Jo̧ma, ina Moiséskwö mö'ösa'onö ja̧nö yöbawijetö Moisésnö: —Moisés bi'otjö yutubaji̧ kwömöledönö kwedo. Jobadö Egiptotjö lakebinawö̧ma tjomajadenö jwiinö sulabenö omukwatö tjö̧jobe. Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö

Ja̧danö, Aarónma jobadö tjo̧'wo̧ jawa tjösödobe edena juwö iyawemi otidijetö, pakaya itji̧ o̧'wo̧ jawa badeibö, o̧'wo jawa ösödö tjiyobö. Ikenama yöba̧lijetö okobe deinö: —Itekwayima ba'ali̧ Isabenö Jo̧nö ösödö— yöba̧lijetö. Ja̧danö, ju'wi dewachö, yȩayi wiluibö jojodöma a̧ji̧kwakwawedönö öbibö 'yi̧jadötö juwö iyawobekwö, a̧ji̧kwakwawedönö juwö iyö. Ja̧danö, ju'wedö tjiyawö̧nöbi juwö iyö öbibö 'yi̧jadötö Isabenö Jo̧kwö wene jwiinö tjö̧jakobetjö̧ iyawama. Juwö tjiyaja̧ ikena bamatijadötö tjukwobö, ja̧danö o̧'do̧bu̧ tjowobö. Kwanö owö katjataja̧ ikenama sulabenö obö baile 'döbijadötö.

Ju'wi dewachö Moisés yöba̧lijetö Israel jojodönö: —Chömöledö, ökwödöma jwiinö sulabenö ja̧köbajabe, kwo̧'wo̧ jawa ösödö. Jo̧kwaobetjö̧ babema yemidanö mö'ösa'o chönöchaja Isabenö Jo̧nö abebö, ökwödönöma. Jo̧banö atebitjö̧ma sulabenö ja̧köbaduwaja̧ söbebö loena.