Популярні біблійні вірші з Rom 10

Поділитись

Lea mu haea ana Jesus nia a Lord, ma muka manata mamana ana a God e taea faasia na maea, tara muka mouri.

Sulia a God e olosi gia sulia na fiimamanalaa gia ana Jesus. Ma nia ka faamouri gia sulia na baelaa gia sulia na fiimamanalaa gia.

Haia, na tooa gi haitamana daka manata mamana lea gera rongoa na Faarongolaa Diana. Ma na Faarongolaa Diana ka lea mai faasia ainitalongailana Christ.

Sulia na Kekedelaa Aabu e haea urii, <<So ni tei naa e manata mamana ani nia, tara nia ka langi si liobukonu sulia na fiimamanalaa nia.>> Ma na Kekedelaa Aabu nae, nia sulia na tooa gi sui, na tooa i Jiu gi ma tooa maadiu gi. Sulia a Lord langi kasi eefa ta iimola. A God, nia na Lord fuana tooa gi sui, ma nia ka faadianaa na tooa gi sui na da gani nia uria ta kwaiꞌadomilaa. Sulia na Kekedelaa Aabu e haea, <<Tara a Lord ka faamouria ni tei gera sui go na da soe fuana uria kwaiꞌadomilaa.>>

Ma tara na tooa gi daka ainitalongainia na faarongolaa utaa, lea langi ta iimola hai ka oodua teni tooa uria ainitalongailana? Nia iilingia na Kekedelaa Aabu e haea, <<Lea teni tooa da dao mai fai nia na Faarongolaa Diana, nia diana asianaa!>>

Haia, ma tara gera ka soe fuana a God uria kwaiꞌadomilaa utaa, lea langi dasi manata mamana ani nia? Ma tara daka manata mamana utaa, lea langi dasi rongoa ua na faarongolaa? Ma tara gera ka rongo utaa, lea langi ta iimola haia ka ainitalongainia?

Sulia a Christ e faasuia naa na kwaieresia gi faasia a Moses, hai tei gera na da manata mamana naa daka oꞌolo naa i maana a God.