Популярні біблійні вірші з Rimlianenge 6

Поділитись

Pal-dová so pleskiriben pal grého isyn meribén, a Devléskiro taláno pir bahtalypén isyn viéčno džiibén dre Isusóste Xristosóste, amaré Raste-Devléste.

Pal-dová so grého na javéla butýr pe tuménde te xulainél: pal-dová so tumé kakaná san na tel Zakóno, a tel bahtalypén.

I adiáke ame myjam khetané Lésa pir boldyipen dre meribén, sob (kaj), syr Xristóso sys otdžidiakirdo muléndyr Devléskire slavása, adiáke i aménge te dživás dre nevó džiibén.

I na otdén tumaré masá grehóske sýrby dre vastá vaš načačipén, a tumé otdén fedýr pes Devléske, syr tumé sýrby otdžidyne muléndyr dre džiibén, i otdén tumaré masá dre Devléskire vastá vaš čačipén.

i ame džinása, so manúš, savó angledýr sýrby dživdiá dre aménde, sys primardo pe trušúl Lésa vaš dová, sob (kaj) amaré grehítka masá te xasiakirén péskiri zor vaš čoripén, i sob (kaj) ame te na javas butýr dynárja grehóske.

Adiáke-pac' i tumé ginen pes mulénca vaš grého, ne tumé ginen pes džidénca vaš Devléske dre Isusóste Xristosóste.

So ž ame phenása? Ci te jačaspe aménge dro grého, sob (kaj) te barjol Devléskiro bahtalypén? Nad. Ame myjam vaš grého, syr ame moginasa duredýr te dživás dre léste?

Ci na džinéna tumé, so konéske tumé otdena pes syr dynári dre kandypen, tumé san i dynárja odoléske, konés tumé kandéna: ci te javél davá grého, savó lydžála ke meribén, ci te javél davá grého pir kandypen, savó lydžála ke čačipén?

Ne parikirasa Devléske, so tumé ž sánas angledýr butiarné vaš grého, a tumé kakaná lyné te šunén saré iléstyr dová sykliaiben, savéske tumé otdyné pes. A kiéli tumé giné krig grehostyr, i tedy tumé jačné pisharjonca vaš čačipén.