Популярні біблійні вірші з Wagalatia 1

Поділитись

Avi nivyokunenani, mwakut̯arani ya kwamba nyakulachani kudzitsakiza kwa wanaad̯amu? Sivyo hat̯a! Nichokulachani ni kumutsakiza Muungu. T̯ambere nindeewa nyakulachani kudzitsakiza kwa wanaad̯amu, sindeewa muhumisi jwa Kirist̯o.

Ela nichokumwambiani ni hichi: Ikiwa kwamba mumodza jwehu ambu hat̯a malaika jwa kuyawa mbinguni kadza kamusumwiiya injili ingine iyo garagara na hiḍe hwiyomusumwiiya, Muungu namufat̯ule kwa moho usiwozimika!

Mimi Paulo, niiye *ntumi, pfamodza na hawa wandugu wonse weo pfamodza nami hapfa, hwakumworeani nywinywi wahikiza wa matsanganiko ya ḍyimbo ḍya Galatia. Humukedhya nto! Muungu Baba na Ḅwana jwehu Yesu Kirist̯o nawamuvodhye na kumumpa naghea nto. Ntaku benaad̯amu wala muntu yuḍejwonse anitsaniye mimi kuwa ntumi. Ela Yesu Kirist̯o na Muungu Baba, huyu amufufwiiye Yesu kuyawa kwa wafu, ndiye anitsaniye mimi kuwa ntumi. Kirist̯o kadziyavya maishaye kahufwiya, apate kuhunwiiya nabvise zehu ili ahupfonye na mazuka ya wantu wa huju huju lumwengu. Hivi kavihenda kuuḅana na miro ya Muungu, eye Baba jwehu.