Популярні біблійні вірші з Hebreos 6

Поділитись

Mit como na-atsʉ̱ngap ayé premiu, jinap natsʉ̱ngap mʉgʉc mit Dios ni'c je' nas̈actangap. Mit jinap oyap nas̈cutómiga Dios as̈am ámbanu ayé mʉjpa̱nijat iguicutómigaj Dios cuandu itʉ́gʉygaj templutujugum.

Ni'c Dios caje' as̈am maljayajwat. Je' iganijawiyo'tp lo que inwatcapay, ni'c inwangajap ijayajwat as̈amu is̈wánga je', ni'c inmajyigajau ijayajwat mit ayé inwatcap hasta jinap.

Mit ayé promesa mit ayé juramentu catigatscap ni'c Dios ca-oyap iwe̱t. Jemni'c na-aguepcap tu'c mʉjway consuelu ni'c Dios nas̈actsʉ̱ngap seguru, mit na-atsʉ̱ngáj ayé premiu iyagámpay Dios pa ʉjtsat.

Jemni'c nasiguiá̱tca pa jʉpm pa napíchinga oy mit Dios, mit itp ti nas̈yajcawa'n lo que napʉctajnʉ'jcaway cuandu nas̈-is̈cápcaj Cristu, mit nagamechpacchú̱chiga nije'yu ama̱s̈an. Jemni'c tʉgajanʉmgʉs̈ap jeme injawiganupay. Jinap incuyaguigaway ayé mal jeme caservia̱tway mit incupʉjcau Dios.