Популярні біблійні вірші з KOLOSSITE 2

Поділитись

Hujiahin Khrist Jesu, Lalpa chu na pomtaah mahbangun, amah ah um un; Amah ah zungha leh lamtouh a um in, ahung kihilhta mahbanga ginna a kipaahtaha um in, huah chu kipaahthu soina a dimin um un.

Pilvaang un, huchilou inchu mi koiaha in Khrist thu bang hilou in, mihing thugousiah leh, khovel thubulte bang zaw in, khovel pilna leh heemna mai in gaallaah in ahung lakha diing uh.

Huleh nanguh, na sualnate uleh na tahsa va zehtanlouhna jiah a si chu, na bohsiatna zousiah uh hung ngaidam in, ama’n amah toh ahung suhingkhawmta hi; Daanthu, ei uh hung lang zawng leh ei toh kikalh lam a gelh chu nawtmang in, a kros dawn a kilhbeh in a lamangta hi

Ajiahchu amah ah Pathian taangchinna zousiah sapum nei in a teeng hi. Huleh nanguh amah ah na bukimta uhi, amah chu lalna leh thuneihna zousiah lutang ahi

Hujiahin mi koimah in, neeh thu aha, dawn thu aha, ni siangthou thu aha, ha thah thu aha, ahihlouhleh khawlni thu aha in nanguh hung dem sih u’hen. Hute chu sil hung tung diingte liim ahi a; hizongleh a tahsa chu Khrist ahi.