Популярні біблійні вірші з PETER II 2

Поділитись

Lalpa’n amah ngaihsah mite chu heemna apat hutkhiahdan leh midihtatloute chu vaihawm ni a diing a gawt di’a siitdan a he hi.

Ajiahchu dihtatna lampi heet nunga, thupiah siangthou a kawmva kepsaha um chu nungngatsan sangin dihtatna lampi he lou ana hileh uh amahuh diingin a hoihzaw diing hi. Ui amah luaah maha kiihkiit a, vohpi kisilsiangsa buannawi a kisil diinga kiih, chih thupil dihtah bangmahin amahuh tungah ahung um zawta hi.

Amahuh chu siatna suaah hipum in mite suaahtaatna thu a chiam veu uhi: mi zoh a a umna humah in amah chu suaah in a siam veu hi.

Ajiahchu Lalpa leh Hundampa Jesu Khrist heetna jiah a, khovel thanghuainate a nuutsiatsan nung va, humaha a taan kiit va, zoh a a um uleh, a umdan nunung u’chu a chiil a sangin a sezaw hi.

Hizongleh mite laha zawlnei tahloute zong ana um veu mah bangin, na lahva zong houtu tahloute ahung um diing uh a, amahun chu, amahuh leipa Lalpa hilhial kiheetmohbawl in, siamlouh tangsah thei gintuamnate a guuh in ahung luutpih diing va, amahuh tungah thakhat a siatna a tungsah diing uhi.