Популярні біблійні вірші з Noo Mian 21

Поділитись

As cre‐erbee nee shiu geearree ayns padjer, lesh credjue, yiow shiu eh.

Dreggyr Yeesey, as dooyrt eh roo, Dy firrinagh ta mee gra riu, My vees shiu credjuagh, as gyn ve fo mee‐ourys erbee nee shiu cha nee ynrycan shoh ta jeant rish y villey‐figgagh, agh my jir shiu rish y slieau shoh, Bee er dty scughey, as er dty hilgey ayns y cheayn; bee eh er ny yannoo.

As deïe yn pobble hie roish, as adsyn haink ny yeï gra, Hosanna gys mac Ghavid: bannit t’eshyn ta cheet ayns ennym y Chiarn, Hosanna ayns yn yrjid.

As dooyrt eh roo, Te scruit, Bee my hie’s enmyssit thie yn phadjer, agh ta shiuish er n’yannoo eh ny ooig dy vaarlee.

Insh‐jee da inneen Sion, Cur‐my‐ner, ta dty ree cheet hood dy imlee, as ny hoie er assyl, as er lhiy sharragh assyl.

Dooyrt Yeesey roo, Nagh lhaih shiu rieau ayns goo Yee, Yn chlagh ren ny masoonee y vee‐lowal, ta’n chlagh cheddin er jeet dy ve yn ard‐chlagh chorneilagh: shoh jannoo yn Chiarn, as te yindyssagh ayns ny sooillyn ainyn?

Shen‐y‐fa ta mish gra riu, Dy bee reeriaght Yee er ny ghoaill veue‐ish, as er ny choyrt da ashoon ymmyrkys magh yn mess echey.