Популярні біблійні вірші з Pemungkal 50

Поділитись

Kita ngiga akal ti jai kena kita ngelaban aku, tang Allah Taala udah mutarka utai nya nyadi utai ti manah, ngambika ngidupka nyawa orang mayuh, lalu orang mayuh agi mengkang idup diatu, ketegal utai nya udah nyadi.

Tang ku Josep bejaku enggau sida, “Anang takut. Aku enda nemu ngaga diri nyadi Allah Taala.

Nya alai, anang takut. Aku deka ngintu kita enggau bala anak kita.” Iya bejaku siru amat enggau sida, minta sida badu agi irau ati. Jaku iya negu ati sida.

iya ngasuh kami nyebut ngagai nuan munyi tu, ‘Ampun penyalah ti udah dikereja bala menyadi nuan ngagai nuan.’ Nya alai kami minta nuan ngampun penyalah ti udah dikereja kami ke nembiak Allah Taala ti disembah apai nuan.” Josep nyabak lebuh iya nerima pesan nya.

Ku iya bejaku enggau bala menyadi iya, “Aku diatu nyau deka mati, tang Allah Taala tetap deka ngemataka kita, lalu mai kita pansut ari menua tu ngagai menua ti udah disemaya Iya ngena sumpah ngagai Abraham, Isak enggau Jakop.”

Udah nya Josep lalu ngasuh bala iya besumpah. Ku iya, “Kita enda tau enda besemaya deka mai bangkai aku enggau kita, lebuh Allah Taala nguluka kita ngagai menua nya.”

Josep mati umur 110 taun di menua Ejip. Sida lalu ngintu tubuh iya ngambika iya enda but, lalu nyimpan iya dalam sentubung.