Популярні біблійні вірші з Galuega 5

Поділитись

‘Ona tali atu lea o Peteru ma le ‘au ‘aposetolo, “O le mea tatau lo matou usiusita‘i i le Atua e sili atu i lo matou usiusita‘i i tagata.

‘Ua lē mapu fo‘i i latou i aso uma i le a‘oa‘o atu, ma tāla‘i atu Iesu Keriso i le malumalu ma fale uma lava.

A ‘ua fesili atu Peteru, “Anania e, ‘ua fa‘atumu aiseā e Satani lou loto, ‘ina ‘ia e ‘olegia le Agaga Pa‘ia, ma ‘ua e tāofi ai ma oe nisi mea o le tau o le fanua? A o le‘i fa‘atauina atu, e lē o oe ‘ea e ona; ma ‘ina ‘ua fa‘atauina atu, e lē o lau pule ‘ea na fai ai? ‘Ae aiseā ‘ua tu‘u ai lenei mea i lou loto? ‘Ua e lē pepelo i tagata, a o le Atua.” ‘Ua fa‘alogo atu Anania i na ‘upu, ‘ona pa‘ū lea o ia i lalo, ma ‘ua maliu; ‘ona matuā matata‘u ai lea o i latou uma o ē na fa‘alogo i nei mea.

O lenei la, ‘ou te fai atu ‘iā te ‘outou, ‘ia ‘outou ‘alo ‘ese ma nei tagata, ma ‘ia tu‘u ai pea i latou; auā ‘āfai na tupu mai tagata lenā sauniga ma lenā galuega, e fa‘aumatia; ‘ae ‘āfai ‘ua tupu mai le Atua, tou te lē mafaia ‘ona fa‘aumatia; ‘ina ne‘i iloa ane ‘ua ‘outou si‘i tau‘a i le Atua lava.”