Популярні біблійні вірші з Maleko 14

Поділитись

Na ye wane, “Aba, Tamagu, kowa gonowam ginauli maudoidi ku ginaulidi. Teina kamkamna kaputina ta ku laehesuwala. Iyamo yogu nuwanuwatu ta tabu ku ginauli, na kowa yom nuwanuwatu mo ku ginauli.”

Kwa silasilawa na kwa tapwatapwalolo, kabo taba nige kwa yababa ena noho kwa hekalo. Yaluwamiu se yali bena ginauli namwanamwadi se ginaulidi, na taumiu se basabasa.”

Ya hededemamohoi: Kabo ewaneliya ta se lauguguyaei tanoubu ye tauhetakikili unai, na teina waihiu ta saha ye ginauli wa kabo hinage se hedehededei, iya kabanuwanuwatuina.”

Na ye wane, “Ya nuwadubukalili. Teinai kwa miyamiya na kwa silasilawa!”

Sola ma kaikaidi na Yesu pwalawa ye hai, Yaubada ye lautokiyei, na kabo pwalawa wa ye kihi na ye mosedi yona hekahekatao kalidiwai na ye wane, “Kwa hai na kwa kai! Teina ta yau taugu.”

Na kabo waina kaputina hinage ye hai, Yaubada ye lautokiyei, na ye mosei kalidiwai. Na maudoidi unai se numagogoi. Na Yesu ye wane, “Teina ta yau kwasinagu ye bwalili tamowai maudoidi hesabadi. Kwasinagu unai Yaubada yona talam hauhauna ye hemamohoiyei yona tamowai udiyedi.

Kabo Yesu ye hededelau yona hekahekatao udiyedi ye wane, “Maudoimiu kabo kwa laugabaegau, matawuwuna Yaubada ye hededeyako Buka Tabuna unai ye wane, ‘Mamoe taukitahetetedi kabo ya unuhemwaloi, unai kabo yona mamoe se tatagwaligwali.’

Kwa tolo na ta lau! Kagu tauwalohai wa ye laolaoma.”

Yesu ye hededelau unai ye wane, “Ya hededemamohoi! Teina boniyai ta unai kabo ku uhalaegau ma haiyona, na kabo pwaole hakiyana ye dou helabuina.”