Популярні біблійні вірші з Tutu Mate 27

Поділитись

Tajan juuni ma ora ikan, te'en kānachaa ni'i Jesuu: ―Elí, Elí ¿lama sabactani? ―ma tu'un ikan, te'en kùuni yi ka'an yi: Tatá Ndioo, Tatá Ndioo, ¿ta naja ndākoo ma'iiun yu'u? ―kàti ra.

Ta ma ora ikani, ma ja'ma ña tàkaa tichi veñu'u ka'nu, ndāta javandaa yi, nda siki, ta nda ninuu. Ta tāan ndio ma nuñu'u', ña ndava ndāta java ndaa ma yuu na'nu jā'a yi. Ta nda ma nuu ñaña ma ndian ndií, ndāta yi, ta kua'a' ma ndian chī'í, ña chìnuni tu'un Ndioo, nātaku na ma ora ikan.

Tajan ni'i va'a nānda'yu ndiko ma Jesuu, ta chī'í ndio ra.

Takan kūu tajan ora ndē'e ma ra kùu capitán, chi'in ma ndra ka'ìin jàkuenda nuu tàkaa Jesuu, ña nduva'a ni'i tāan, ta inga tuku ma ña kūu, ta nduva'a yū'vi ndra, ta te'en nāka'an ndra: ―¡Ndicha kuii, ña ra Se'e Ndioo kūu ra'ya niku! ―kāti ndra.

Tajan ora kēta ma kachuvi ndaa, ta nda ma kaa uni chani'ini, ninii ka'nu ma nuñu'u' ñuñivi, endee ndōnaa yi.

Ta Pilatu te'en chīkatu'un ndiko ra nuu na: ―Ta, ¿niyi ìyo yi ña ja'i chi'in Jesuu, ra kà'an ndo ña kùu Cristu?, tuva takan ―kàti ra. Ta ndisaa na, te'en nāka'an na: ―¡Na takaun ra nuu kruu! ―kàti na. Tajan te'en nāka'an tuku Pilatu nuu ma ñivi: ―Ta, ¿nda kuati kùu ma ña jā'a ra? ―kàti ra. Va ma ñivi te'en kīcha'a ndiko na ndà'yu na nuu Pilatu: ―¡Na takaun ra nuu kruu! ―kàti na.