लूका 4

यीशु री परीक्षा

(मत्ती 4.1-11; मरकुस 1.12,13)

1तेऊकी यीशु पवित्र आत्मा संघे भरुदअ, यरदना नइ का आउअ; होर चाहल़ी धियाडी तणी आत्मा रे सिखाऊणे री तणी बूणे घुमदअ रहू; होर शैतान तेऊरी परीक्षा कर्दअ रहू। 2जेबा शैतान चाहली धियाडी तेऊरी परीक्षा लऊदअ रहू, त्याह धियाडी में तेऊ किछे नांई खाऊ, जेबा त्याह धियाडे पुरे होई, तेबा तेऊ भोछ लागी। 3होर शैताने तेऊबै बोलू, अगर तूह परमेश्वर रअ शोहरू साहा, तेबा आज्ञा दे, कि यह पाथर रोटी बण। 4यीशु तेऊवे उत्तर दीना लिखूदा साह, मणश सीधी रोटी संघे जिऊंदअ नांई रहंदा। 5तेबा शैताने सह निऊं होर एकी घड़ी तेऊवै पूरे संसारा रे राज्य रिहाई, 6होर शैताने बोलू, हाऊं याह सभी अधिकारा, होर याह सभी बैभब ताहवै दींण, किबेकी यह सब महा वै दिना दा साहा, होर जासू वै हाऊं चाहंदा त्याह वै हाऊं दिंदा। 7तेबा अगर तुह महा वै नमस्ते करलअ, तेबा यह सारा तेरा हुणा। 8यीशु तेऊवै उतर दिना, लिखूदा साहा, तुह आपणे परमेश्वरा वै नमस्ते कर; तेऊरी ही आराधना कर। 9तेबा शैताने यीशु पवित्र नगर यरूशलेमा बे नीऊ होर देहुरे रे कंगूरे में खडअ करू, होर तेऊवै बोलू, अगर तुह परमेश्वरा रअ शोहरू साहा, तुह आपु अखा का ऊन्धे शोट। 10किबेकी लिखूदा साहा, तेऊ तेरे बारे में आपणे स्वर्गदूता बै आज्ञा दीणी, कि त्या तेरी रक्षा करे। 11होर तेबा तूह हाथो हाथ चुआकणअं; कई एडा ना कि तेरी ज़ाघा पात्थरा संघे ठोकर लागे 12यीशु तेऊवै उतर दिना, यह भी बोलू दा आसा कि, तुह आपणे परमेश्वरा री परीक्षा नांई लए। 13जेवा शैताने सारी परीक्षा लई; होर, तेबा थोडी देरी बाद तेऊ सेटा का नाठअ।

यीशु रे सेवा रे काम री शुरुआत

(मत्ती 4.12-17; मरकुस 1.14,15)

14तेऊकी यीशु पवित्र आत्मा री सामर्थ्य संघे भरुदअ, गलीला प्रदेशा वै आउअ, होर तेतकी चर्चा ओरी पोरी रे सारे देशे फैली। 15सह त्याहरे प्रार्थना घरा में उपदेशा दीदंअ रहू, होर सभे तेऊरी बड़ाई करदे रही।

नासरता में यीशु रा अनादर

(मत्ती 13.53-58; मरकुस 6.1-6)

16तेऊकी सह नासरता वै आउअ, ज़खे तेऊरी देख रेख होई,; होर आपणी रीति रे साबे सब्ता री धियाडी प्रार्थना घरा में नाशी करे पढणे री तणी खडअ होऊ। 17यशायाह होर भविष्यद्वक्ता री कताब तेऊवै दिनी, होर तेऊये कताब खोली करे सह जागहा काडी तखे लिखुदा थी। 18परमेश्वरा री आत्मा महा में साहा, तेऊकी तेऊये कंगाला वे सुसमाचार शुणाऊणे री तणी मेरा अभिषेक करूदा साहा, होर हाऊं तेबा भेजू दअ साहा हाऊं तेबा भेजू दअ साहा कि केदी छुडाउणे री तणी होर काणे वे हेरणे री तणी हाऊं सुसमाचारा प्रचार करू होर दबी दे लोका री सहायता करे। 19होर परमेश्वरा रे खुश रहणे री तणी साला रा प्रचार करू। 20तेबा तेऊये कताब वन्द करी करे सेबका रे हाथे दिनी होर आपु बैठअ, होर प्रार्थना घरा रे सभे लोका तेऊ भाल़दे लागदे थी, 21तेऊकी तेऊये त्याह का बोलू, आज़ ही यह पवित्र शास्त्र लिखुदा थारे सामने पूरा होउदा साहा। 22सभीये तेऊरी गुआही दीनी होर जोह अनुग्रहा री गला तेऊरे मुहा का निकदी थी, तेतका सभे हेरान होई करे होर बोलदे लागे, कह यह यूसुफा रअ शोहरू नांई साहा? 23तेऊ तयाबे बोलू, तमा महा पैंदे तमा यह गला महा पैंदे जरुर दृष्टान्ता बोलणाी कि हे बईद आपणे आपाबे ठीक करे! जोह हामे शुणू की कफरनहूम में करू तेता आपणे देशा में भी कर। 24होर तेऊए बोलू, हाऊं तमाबे सच बोला की कोई भी भविष्यद्वक्ता आपणे देशा में इजत नांई पाउन्दे 25हाऊं तमाबे सच बोला की एलिय्याह री धयाडी में जेबा सरग साढ़े चीई साला बन्द रहू, होर सारे देशा में अकाल पडू, त्तेबा इस्राएल में बहू बिधाबा थी। 26तेबा एलिय्याह त्यामें कासी सेटा नांई भेजू पर सदा रे सारफत शहरा में एकी बिधबा सेटा नाठअ। 27होर एलीशा रे भविष्यद्वक्ता रे वक्ते इस्राएल देश बहु कोढ़ी थी, पर सीरिया देशा रअ बासी नामन शुद्ध करू। 28याह गला शुणदे ही जेतरे प्रार्थना घरा रे सभी रोष आउआ 29होर खड़े ऊठी करे ग्राआ कअ बागे काडू होर जासु पहाडा में तेऊरा ग्राआ थी, तेतका उचट नीऊ होर तखा कअ उनदे फेकण लाउ। 30पर सह त्या मेझा मेंक निखली करे ठुरु।

मणशा कअ शातादा काहडणा

(मरकुस 1.21-28)

31तेऊकी सह गलीला ना रे कफरनहूम ग्रां में नाठअ, होर सब्ता री धियाड़ी प्रचारा करदअ लागदअ। 32लोका तेऊरी शिक्षा शुणी करे हैरान होई, किबेकी तेऊरे बचन बड़े अधिकार आले थी। 33प्रार्थना घरा में एक मणश थी , तेऊमें अशुद्ध दुष्टात्मा थी। तेऊ जोरे संघे बोलू, 34यीशु नासरी हामा ताह संघे कैह काम? कैह तूह हामा नाश करदअ आउअद? हाऊं ताह जाणा की तूह कुण साहा? तूह परमेश्वर रअ पवित्र मणश साहा। 35यीशु तेऊबै चतैनगी करे बोलू, चुप रह होर तेऊ मेंज़ा का निखल़ तेबा दुष्टात्मा तेऊ मेंज़ा का तेऊ पटकी करे बिना नुकसाने संघे निख्दी। 36एता पैंदे सभे हेरान होई होर त्याहे आपु में बोल़दे लागे यह कैड़अ बचन साहा किबेकि यह अधिकार होर सामर्थ्य संघे दुष्टात्मा वै आज्ञा दिंदा। 37एउ सावै तेऊरी चर्चा सारी जागहा हुंदी लागी।

पतरसा री शाशु होर, होरा लोका ठीक करणे

(मत्ती 8.14-17; मरकुस 1.29-34)

38यीशु प्रार्थना घरा मेंज़ा का उठी करे सिमोना रे घरा वै नाठअ। शमोना री शाशु जरअ आउदअ थी, तेबा त्याह तेसा वै बिनती करी। 39तेबा यीशु तेसा सेटा नाही करे जरअ ड़ांटू तेबा सह ठीक होई, होर सह तेवरी उठी करे यीशु री सेवा टहली करदी लागी। 40धियाड़े उड़दे तणी जखे-जखे लोका कई बीमारी में पड़ीदे थी, त्या सभे त्याय तेऊ सेटा वै आणी होर तेऊ एकी-एकी पैंदे हाथ डाही करे त्याह ठीक करी। 41होर दुष्टात्मा भी ज़ोरे जोरे बोल्दी लागी कि तूह परमेश्वरा रअ शोहरू साहा तेबा बहू मे का दुष्टात्मा निक्दी तेबा यीशु त्याह दुष्टात्मा ड़ांटी, होर बोलणे नांई दीना किबेकि त्याह आत्मा जाणा, कि यीशु मसीह साहा।

गलीला में प्रचार करणा

(मरकुस 1.35-39)

42जेबा धीयाड़ होई तेबा सह एकी सुनसान जागा बे नाठअ होर तेबा त्या सबे लोका तेऊ लोडे तेऊ सेटा पूजे होर तेऊ रोकदे लागे की हामा सेटा कअ नाँई नाह। 43पर तेऊ बोलू, माँह होरी ग्राआ में भी नाहणे बै होर तखे भी परमेश्वर रे राज्य रा सुसमाचार शुणाउणवे जरूरी साहा किबेकी हाऊं एतकी तणी भेजूदअ साहा 44होर सह यहूदा देशा रै प्रार्थना घरा में प्रचारा करदे लागअ।

Seçili Olanlar:

लूका 4: ISJNT

Vurgu

Kopyala

Karşılaştır

Paylaş