A Kelekele 8
8
A KELEKELE 8.
1Ieova, a numiat Tadaru, di pirawalaua a iam u ra rakrakan wanua rap!
A marim u pakitai na te u ra maua.
2Ko ra wadiat a in a nat liklik, ma ra in a nat nono, u ā pam a pătpătuanpa a dekdek, na marudiat a num kum iabara,
Un pakutupa diat uni a iabara ma ra tenakankan.
3Ba iau nunuk u ra num lagit, a pinapam i ra kalkali na limam,
A kalag ma ra kum nagnag, kuma u putatai;
4Awa a muana, kuma u nunuk liklik un i?
Ma na tu ra muana kai, kuma u waolo korom i?
5U ā pamta i ba pulik ma ku in welara ma ra Kalou;
U wapārikta i ma ra măramăra ma ra ururu.
6U putata i lena in nakakon a kum pinapam i ra limam;
U pakita a kum lig rap na tudag i ra kakina:
7A kum sipi ma ra kum pulumakau a kum pika taka na bual kai;
8A kum pika taka na te, ma ra kum ien taka na tai, ma ra lig rap i wan na tai.
9Ieova, a numiat Tadaru di pirawalaua a iam, u ra rakrakan wanua rap.
Seçili Olanlar:
A Kelekele 8: RAI
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Published by the British and Foreign Bible Society in 1896.