Bwøth Wøk 17
17
Kanya Ö Jwøki Na Tïïc Pïï Nee Kwönge Wøk Ki Yi Kïdi
1'Ba lwaa Icriel bäre atïŋŋö ki dï paap Cin ni cääthge ki køør mana caan Wuuö Jwøki, ni tïïcge twïër marge Rapidim; 'ba atïmö ni bäŋ pïï mo maathge. 2Kiper manøgø nø, jiy atïïö ko okiera dëër Modhe ni köge, ni «Mooyu wa ki pïï mo maathwa.»
Ni kö Modhe jïge, na «?Aperŋø ni tïïu ko okiera dëëra en? ?Aŋø ni päänynyu Wuuö Jwøk en?»
3'Ba jiy anäk riewi kaace ni ge manynya pïï; ni ŋurge ki nyeŋ Modhe ni köge, na «?Aŋø na kälï wa wøk ki Ijep, ni 'nägï wa ki riew ko obwöre mowa ki lääc paac mowa en?»
4Ni ö Modhe ni jwöŋe jï Wuuö Jwøk, ni kööe, na «?Agïnaŋø noo tïïa jï jøøi ennø? Gena løny ni ge manynya aani naa këërge ki kïte.»
5Køøre Wuuö Jwøk aköö jï Modhe, ni «Cør dï jiy ni lwötï ki jø døøŋŋø røk jø døøk Icriel, ni kwanyï athøra mana gøøyï naam ki gø ni aayu ki geni. 6'Ba aani, aano cuŋŋi nyïmï bäät kïdi kaace buut Kïn Körëp; ni gøøyï kïdi manøgø, ni ö pïïyi ni kwönge wøk ki yie, nee jiy mäthge ki pïï.» Ni ö Modhe ni tïïc gïnögø ni nëënö jï jø døøk Icriel. 7Ni ö Modhe ni cwøl nyeŋ kaace ni Meriba, kiper beeye kanya ö jø Icrielli na tïïge ko okiera yie, ni cwøl gø thuwø ni Maca, kiper beeye kanya ö jø Icrielli na päänyge Wuuö Jwøk yie, ni köge, na «?Aŋø, Wuuö Jwøk ena buutø, wala jïre bäär?»
Kanya Ö Jø Icrielli Na Böötge Jø Amalëk Ri Leny
8Køøre jø Amalëk aöö ni këëtge ki jø Icriel Rapidim. 9Ni kö Modhe jï Jøcua, ni «Kwänyï ki jiy, ni cou wøk ni këëdu ki jø Amalëk. Diøø aano cuŋŋi wï kïdi maal na athøny Jwøk ena cera.»
10Ni tïïyi Jøcua kaawat mana caani ya Modhe jïgø, ni këëtge ki jø Amalëk; ni ö Modhe ka Aran ki Ur ni cige wï kïdi maal. 11'Ba kar kaaca kany wø tïm Modhe ni ceŋŋe tïŋe maal, jø Icriel puta rëëmmö; ni kany wø dwøk ceŋŋe piny, jø Amalëk puta rëëmmö. 12'Ba ceŋ Modhe aööl; ni ö Aranni ki Ur ni lwötge ki kïdi ni cïpge gø piny, ni ö Modhe ni pï piny bäät gø; ni ö Aranni ki Ur ni jølge ceŋ Modhe, ni dhaanhø aciel ena ri cere man ni dhaanhø maya ena ri cere maya. Ni put ceŋ Modhe bëëtö ni teek këël mana päth cäŋŋi. 13'Ba Jøcua jø leny mo jø Amalëk abööte ri leny manøgø.
14Køøre Wuuö Jwøk aköö jï Modhe, ni «Göör gïnögø piny yi warakata na gïn ma gïr par wïc, ni caanï gø ni wïnyö jï Jøcua, kiper acaara mo di caarø kiper jø Amalëk otïïa ni bäŋgø bäät piny na bäre bäre.»
15Ni ö Modhe ni tïïe ki gïn wø cïp olämme bääte, ni cwøl nyeŋ gø ni «Wuuö Jwøk beeye bëëra mara». 16Ni kö Modhe, ni «Wuuö Jwøk akööŋ, ni kööe, ni ‹A na Wuuö Jwøk, jïra poot da leny ki jø Amalëk këël yïth beenhnhe moge bëët.› »
Seçili Olanlar:
Bwøth Wøk 17: AnyuB
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© The Bible Society of Ethiopia