Numera Nuarin-tas alupas 2.
Nuarin-tas alupas 2.
Nesyei irai ilpu eteuc irai iji iyum ura.
1IS tas a Ihova ehele Moses im Eron, um ika,
2Erumu athai eom atga ura natimi irai up Isreel u nitaahlaig ura, im nitai asjaaicnaig u ilpu eteuc ira ra: erumu athai eom ura ara itac acen um arehed mihtaig.
3Erumu athai eom ura an nahaijin an ridjai o un natimi et ura nitaahlaig u ilpu mapoi Juta irai iji pak irai edoa ura: etmu atimi alupas u ilpu mapoi Juta a Neeson inhal u Aminatab.
4Eris sevente for dausant im siks huntret (74,600) a ilpu eucsupo o un, eris esvi ra.
5Erumu athai eom atga ura ubutpotet pan ehelen a ilpu mapoi Isakar: etmu atimi alupas u ilpu mapoi Isakar a Nedaniil inhal u Suar.
6Eris fifte for dausant im for huntret (54,400) a ilpu eucsupo o un, eris esvi ra.
7Im lep ilpu mapoi Sebulun: etmu atimi alupas u ilpu mapoi Sebulun a Elaiab inhal u Hilon.
8Eris fifte seven dausant im for huntret (57,400) a ilpu eucsupo o un, eris esvi ra.
9Eris wun huntret im eete siks dausant im for huntret (186,400) a ilpu eucsupo asega eris esvi ra an nahaijin u ilpu mapoi Juta. Erumu uhup ara sji igki.
10Etmu amen nitaahlaig u ilpu mapoi Ruben an nahaijin inig et ahes nuritoga iran irai iji pak irai edoa ura: etmu atimi alupas u ilpu mapoi Ruben a Elaisur inhal u Setiur.
11Eris forte siks dausant im faiv huntret (46,500) a ilpu eucsupo o un, eris esvi ra.
12Erumu athai eom atga ura ubutpotet pan ehelen a ilpu mapoi Simeon: etmu atimi alupas u ilpu mapoi Simeon a Silumiel inhal u Surisateai.
13Eris fifte nain dausant im dri huntret (59,300) a ilpu eucsupo o un, eris esvi ra.
14Im lep ilpu mapoi Cat: etmu atimi alupas u ilpu mapoi Cat a Elaiasaf inhal u Tiuel.
15Eris forte faiv dausant im siks huntret im fifte (45,650) a ilpu eucsupo o un, eris esvi ra.
16Eris wun huntret im fifte wun dausant im for huntret im fifte (151,450) a ilpu eucsupo asega eris esvi ra an nahaijin u ilpu mapoi Ruben. Erumu atga an nahaijin sekunt ara.
17Erumu atga a ilpu mapoi Livai an niblai atimi um apos neom er asjapicnaig o un: et idivaig natumop ura, etmu lep uce natga ura, erumu amen natimi asega u nitaahlaig ura irai iji uarin ura, athi um athi ehni.
18Etmu amen nitaahlaig u ilpu mapoi Ifreem an nahaijin an nete o un, irai iji pak irai edoa ura: etmu atimi alupas u ilpu mapoi Ifreem a Elisama inhal u Amihut.
19Eris forte dausant im faiv huntret (40,500) a ilpu eucsupo o un, eris esvi ra.
20Erumu ubutpotet pan ehelen a ilpu mapoi Manasi: etmu atimi alupas u ilpu mapoi Manasi a Cameliel inhal u Pidesur.
21Eris dirte tu dausant im tu huntret (32,200) a ilpu eucsupo o un, eris esvi ra.
22Im ilpu mapoi Benjamin: etmu atimi alupas u ilpu mapoi Benjamin a Abaitan inhal u Citeonai.
23Eris dirte faiv dausant im for huntret (35,400) a ilpu eucsupo o un, eris esvi ra.
24Eris wun huntret im eet dausant im wun huntret (108,100) a ilpu eucsupo eris esvi ra an nahajin u ilpu mapoi Ifreem. Erumu atga an nahaijin dirt ara.
25Etmu amen nitaahlaig u ilpu mapoi Tan an nahaijin inig et ahes narutu iran, irai iji pak irai edoa ura: etmu atimi alupas u ilpu mapoi Tan a Ahiiser inhal u Amisateai.
26Eris sikste tu dausant im seven huntret (62,700) a ilpu eucsupo o un, eris esvi ra.
27Erumu athai eom atga ura ubutpotet pan ehelen a ilpu mapoi Eser: etmu atimi alupas u ilpu mapoi Eser a Paciel inhal u Okran.
28Eris forte wun dausant im faiv huntret (41,500) a ilpu eucsupo o un, eris esvi ra.
29Im ilpu mapoi Naftalai: etmu atimi alupas u ilpu mapoi Naftalai a Ahaira inhal u Inan.
30Eris fifte dri dausant im for huntret (53,400) a ilpu eucsupo o un, eris esvi ra.
31Eris wun huntret im fifte seven dausant im siks huntret (157,600) a ilpu eucsupo eris esvi ra an na-haijin u ilpu mapoi Tan. Erumu apitac ara um apos nitaahlaig ura.
32Eris esvi athiathi ra sji igki irai up Isreel, irai iji imnim u ilpu etmara: eris siks huntret im dri dausant un faiv huntret im fifte (603,550) a ilpu eucsupo asega, eris esvi ra.
33Ja eris eti esvi ilpu mapoi Livai pan irai up Isreel; is idivaig is asaig a Ihova ehele Moses.
34Eris ago nedo asega inigki a nup Isreel is asaig a Ihova ehele Moses: eris athai eom atga ura ara u niji itaahlaig ura, eris ehraatga natimi asega is tup ethi ache ilpu eteuc ira ra, im niji imnim ura.
Seçili Olanlar:
Numera Nuarin-tas alupas 2.: ABO
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)