SAAMUNƆ 83
83
Ibɛɛnↄ kpana Ludaa
Asafa lɛ̀.
1Luda, ǹtongↄ̃ yĩtɛnaro,
n lɛ́ tóngↄ̃ nakↄ̃anaro,
ǹton zɛ sitiigiro, Luda.
2Ǹ n ibɛɛnↄ gwa lán aↄ̃ fɛ̀ɛ wà zɛ̀ nà,
n zangurinↄↄ e ń mì zuzuu.
3Aↄ̃ↄe ↄ̃ndↄ̃ↄ kɛɛ n gbɛ̃nↄzi,
aↄ̃ↄe lɛ́ kpaakↄ̃sↄ̃ n gbɛ̃ yenzideenↄzi.
4Aↄ̃ↄe bee: À mↄ́ wà ń borii bↄ,
lɛ aↄ̃ tↄ́ Isaraili tóngↄ̃ dↄ gbɛ̃ken dↄro.
5Aↄ̃ lɛ́ kpàkↄ̃sↄ̃, aↄ̃ yã kↄ̃sɛ̀,
aↄ̃ lɛdolɛ kɛ̀ kↄ̃o wà fɛɛnzi.
6Ɛdↄmunↄ kↄ̃n Sumaila boriinↄ
kↄ̃n Mↄabunↄ kↄ̃n Agyara boriinↄ
7kↄ̃n Gebalideenↄ kↄ̃n Amↄninↄ
kↄ̃n Amalɛkinↄ kↄ̃n Filisitininↄ kↄ̃n Tayadeenↄ.
8Baa se Asirianↄ nàḿma dↄ,
lɛ aↄ̃ ↄ da Lutu boriinↄa.
9Ǹ kɛńnɛ lán ń kɛ̀ Midiãnↄnɛ nà,
lán ń kɛ̀ Sisera kↄ̃n Yabĩonɛ nà Kisↄ̃zi.
10N ń kɛ́ dúgudugu Ɛndↄ,
ben aↄ̃ gↄ̃̀ kaɛna tↄↄtɛ lán busa bà.
11Ǹ kɛ ń wɛ̃ɛnɛnↄnɛ
lán wà kɛ̀ Orɛbu kↄ̃n Zeebuonɛ nà.
Ǹ kɛ ń kínɛnↄnɛ
lán wà kɛ̀ Zɛba kↄ̃n Zalamunaonɛ nà.
12Aↄ̃pinↄ bé wà bè yã,
wà Luda sãdãkii sɛ́ ń pↄ́ ũ.
13Ma Luda, ǹ tó aↄ̃ gↄ̃ lán ĩampuu sɛ̃̀ bà
lán ése ũkã kɛ̀ ĩa e sɛ́ɛɛ bà.
14Lán dàko è tɛ́ kũ nà,
kesↄ̃ lán tɛ́ è kpiiinↄ ble nà,
15ǹ pɛ́ɛńzi kↄ̃n n zàga'ĩao,
ǹ tó n ĩa pãsĩ swɛ̃̀ kɛ̃ńgu.
16Ǹ tó wí gɛ̃ ń wɛ́ɛn,
lɛ aↄ̃ↄ n gbãaa dↄ̃ Dii.
17Wí égↄ̃ ń kũu gurↄ píngi kↄ̃n bídio,
aↄ̃é bↄru kpɛɛ wà kaatɛ.
18Ǹ tó aↄ̃gↄ̃ dↄ̃ kɛ̀ n tↄ́n Dii,
ḿbe Luda Musude ũ anduna guu píngi.
Seçili Olanlar:
SAAMUNƆ 83: BBB
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Bokobaru Bible with New Testament and OT Portions © Sim International, 2005.