SAAMUNƆ 138

138

Dii sáabukpana à gbɛ̃kɛ yãnzi

Dauda lɛ̀.

1Mɛ́ n sáabu kpá kↄ̃n nↄ̀sɛo do,

mɛ́ n táaki lɛ́ gbãadeenↄ aɛ.

2Mɛ́ kúɛ mà aɛ dↄ

n kpɛ́ kɛ̀ kú adona kpa,

mɛ́ n tↄ́ bↄ n gbɛ̃kɛ kↄ̃n n náanɛo yãnzi,

zaakɛ n n tↄ́ kↄ̃n n yão sɛ̀ lei dɛ pↄ́ píngila.

3Kɛ̀ ma n sisi, n wemala,

ǹ ma kù kɛ gbãaa, ǹ ma swɛ̃̀ kpáɛ.

4Tó anduna kínanↄ yã kɛ̀ ń ò mà,

aↄ̃ n sáabu kpá ń píngi, Dii.

5Aↄ̃ lɛ̀ sí Dii yãkɛnanↄ musu,

zaakɛ Dii gakui bíta.

6Baa kↄ̃n Dii kuunamusukɛɛo,

è gbɛ̃ kɛ̃sãnanↄ wɛ̃nda gwa,

è wɛ́ɛ pã gbɛ̃ kɛ̀ aↄ̃ↄe daa wà kànↄla.

7Baa tó wɛ́ɛtãmma lìgamazi,

nɛɛ̀ ma wɛ̃̀ndi dãkpa,

nɛɛ̀ ma ibɛɛnↄ pↄfɛ̃ kpáɛ,

nɛɛ̀ ma mì sí kↄ̃n n gã̀sã gbãaao.

8Dii é yã kɛ̀ à ò papamɛ.

Dii, n gbɛ̃kɛɛ yãana vĩro,

ǹton mamↄma kɛ̀ n ma kɛɛ tóro.

Seçili Olanlar:

SAAMUNƆ 138: BBB

Vurgu

Kopyala

Karşılaştır

Paylaş

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

SAAMUNƆ 138
Popüler Kutsal Kitap Ayetleri