O YESAYA 63
63
Ma Jou Ai utumu mangale o hoana de o berera ma ago-agomo manyawa
Wogö goa-goana
1 #
Yes. 34:5-17; Yer. 49:7-22; Yeh. 25:12-14, 35:1-15; Am. 1:11-12; Ob. 1-14; Mal. 1:2-5 ”O nagona ünanga Wobö boa-boa o Bozraino o Edom matonakoka?
aibaju madoka-dokara, aipakeanga mamokaramata;
ünanga womadagi de aijako ipoputurungu.”
Ma Jou
”Ngohi ma Jou takunu tohihalamati
deʼ toboa toao o utumu ma abari.”
Wogoa-goana
2”Yadodoa anipakeanga mamodokara gënanga,
hokä oangguru mahohoko yohido-hidoro manga baju?”
Ma Jou
3 #
Him. 14:20, 19:13, 19:15 ”Katomatengo Ngohi towohama oangguru yobido-bidoro mangï ika
Ahiumati manga hidogoronaka koiwa ihiriwo Ngohi.
O hoana de oberera maago-agomo manyawa Tadoko-doko Ahi gangamo magoronaka,
hokä tadoko-doko oangguru mahohoko.
Toönanga manga awunu ihoropu yapehaka Ahibaju,
yapeseke Ahibaju yamata-mataika.
4Ngohi tohidatoroka mawange tabalahi,
deʼ maöraha tahibebasi mangale Ahiumati.
5 #
Yes. 59:16
Ngohitolingiri, mä koiwa ihïriwo,
Ngohitoheranga koiwa ihibatumu.
Daha Ahikuata mahirete ihiriwo Ngohi,
Ahigangamo ihibatumu Ngohi.
6Ahi gangamo ihiru-hiru magoronaka,
Tadoko-doko ohoana de oberera maago-agomo manyawa;
Tabinaha önanga,
deʼ toönanga manga awunu Takopoa otonakika.”
Ma Jou Madutu Aioa-oa mangale o Israel
7Ngohi tomau tohiabari ma Jou Aidora deʼ tihigiriri Unanga karana hagala Aimanarama.
De maboboloi Unanga wahibarakati Aiumati, karana Unanga aidora de aihayanga deʼ Aidora koipahaua.
8Ma Jou wotemo, ”Igoungu, önanga ganga Ahiumati,
ongoha-ngohaka nanga mamao yahuhaua.”
Done Unanga wodadi wahi Hohalamati önanga,
9Unanga mahirete iwibänga toönanga manga huha.
Ma Jou wahidingotua Aihuhuloko ekola aiwakili;
Unanga mahirete wahibebasi önanga karana aidora deʼ Ai hayanga.
Unanga salalu wapaliara önanga maöraha kahuruonikahi.
10Mä önanga imalawani deʼ ma Jou Aihininga yahuha.
Done Unanga womaidulu idadi toönanga manga haturu Unanga mahirete waparangi walawani önanga.
11Daha önanga imahininga öraha mahira, maöraha o Musa, ma Jou Aigilaongo.
Onanga yoleha, ”Kiaka ma Jou watuda Aiumati matutuda-tutuda yanonu ongöto?
Kiaka ma Jou wohi doa-döaka Aikuaha onangika?
12 #
Kel. 14:21
Kiaka ma Jou widatekuku o Musa
de Aigiama ikua-kuata de ipoputurungu,
deʼ wabelaka oakere toönanga manga himangoka
hupaya Airomanga kaya heto-hetongo kahiado-adonika?
13Kiaka ma Jou watö tuda-tuda önanga
imadagi yanonu oakere ilö luku-luku?
Hokä o kuda yanonu o tonaka makokakaha,
önanga komaiwahi yopeleke.”
14Ma Jou wa ao önanga o dodogumu mangï ika,
hokä o aiwani o gigini yao mangale ihi ol̄omo o tonaka malua-luasoka.
Hoko gënanga watuda Aiumati,
hupaya Airomanga ihimulia.
O niata yogahoko o hayanga de o dora deʼ o bobatumu
15Ya Jou, napulono ohorogaka de nauku,
Anigogere itebi-tebini deʼ imomuliaino.
Kiaka anidora deʼ Anibuturungu?
Kiaka anihayanga deʼ Anidora?
Uha natumungu gënanga ngomino.
16Koigoungu Ngona tongomi mia Ama?
O Abraham deʼ o Yakub iminakoua ngomi.
Mä Ngona ya Jou, ganga tongomi mia Ama,
Nomihi hohalamati ngomi maöraha kahuruninohi.
17Ya Jou, yadodoa nomi mal̄aika ngomi mirehene?
Yadodoa Ngona natogowini tongomi miahininga hiädono ngomi minï modongua Ngonaika?
Noma idulu mangale karana anigogilaongo
de mangale Aniumati, Anipuhaka madutu.
18Yadodoa namal̄aika ohaturu yapito-pitoko Ani Tau,
deʼ hagala onyawa yapeseke Anidoporono itebi-tebini?
19Ngona nomihidiai ngomi
matero-tero Ngona komaiwahi nomi kuaha mangale ngomi;
matero-tero ngomi komaiwahi midadi Aniumati.
