O NGO ESTER 10
10
Manga mulia o Ahasyweros deʼ o Mordekhai
1Ma Koano Ahasyweros wodiai o manarama ipöpakisa, duga-duga o kawahaua o daera-daera o gahi madatekino aipareta magoronaka, mä o daera-daera o pedalamanihaö. 2Hagala ai manarama ma amoko deʼ magiria deʼ majarita ö ingodumu mangale sarakia ünanga wïgoraka o Mordekhai wodadi o pangkati magögurutil̄e, itulihi o Persia deʼ o Media manga kokoano manga sejara mabuku magoronaka. 3O Mordekhai, o Yahudi manyawa gënanga kahirahi wogogere o pangkati magogurutil̄e ma Koano Ahasyweros mahirete aipareta matimioka. O Mordekhai iwihoromati de iwi igo o nyawa imakohoana moi. Unanga womahidofoika mangale manga halamati de manga lola ai hoana ikali toönanga manga difauku yongodumu.
