Xo̱jo̱n Salmoo̱ 67
67
Ngayeje na̱xi̱ńdaá ngatsꞌèntsjaà Néná
1Néná ngatamani̱ma̱a̱ ñá, kó ngatsꞌénchíkonñéná.
Ndiꞌí xí tjiín kje̱n ngatsꞌéntsíjen ꞌna̱ ꞌna̱ná.
2Tsi̱ꞌe̱ nga ngayeje tꞌanangii̱ xcha̱ ndi̱yàa̱,
ko̱jo nga xcha̱ kjo̱a̱ꞌnaxiéꞌáa̱ ngi̱jii̱n ngayeje na̱xi̱ńdá.
3¡Ngatsꞌèntsjaà ngayeje xota̱ na̱xi̱ńdaá Ji Ne!
¡Ngayeje xota̱ na̱xi̱ńdaá ngatsꞌèntsjaà Ji!
4¡Tsjangatamajnú, kó tsjatsꞌèn ndajnú jún ngayeje xota̱ na̱xi̱ńdá!
Ngatꞌa̱ Jí boá xi kixi̱ ko̱ti̱xomée̱ xota̱ na̱xi̱ńdaá.
¡Kó Jí boá xi ko̱kée̱ ndi̱yà xota̱ nga̱sondiee̱!
5¡Ngatsꞌèntsjaà ngayeje xota̱ na̱xi̱ńdaá Ji Ne!
¡Ngayeje xota̱ na̱xi̱ńdaá ngatsꞌèntsjaà Ji!
6Tꞌanangii̱ jè katsjá ni xi kamáxchaá,
kó Néná boá xi sa̱ꞌínchikonñéná.
7¡Néná ngatsꞌénchíkonñéná,
kó ngatamayandikón ngaskande nínga fetꞌanii̱ tꞌanangii̱!
Seçili Olanlar:
Xo̱jo̱n Salmoo̱ 67: MAIX
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014