Xo̱jo̱n Salmoo̱ 20
20
Néná bosikójo ree̱
Só xi katsꞌénda Ndabii̱.
1Néná ngatsꞌénseén jí kjiꞌanga ndajínkjiꞌi ni xi ka̱maa̱.
Jaꞌeén Nee̱ Jakoo̱b ngatꞌaxiéꞌaá.
2Ngatsangiyaa̱ kjo̱a̱bosíko̱joo̱ ndeskande ndiꞌandikoón,
kó ndeskande na̱xi̱ńdáꞌniú Sioo̱n ngatsjangáꞌniuú.
3Néná ngatjaꞌátsjiee̱n ngayeje kjo̱a̱tjó xi tiboeꞌé ji,
kó tsjangatamaa̱ nga skjíbé cho̱ xi nganda tsi̱ꞌe̱ tiꞌbítí ji.
4Ngatsjaá ni xi ngayeje ini̱màa̱ nga tichjiéꞌée̱,
kó ngatsꞌénkjátjosón ngayeje ni xi mejeén si̱ꞌin ji.
5Achichí ꞌniú tsjá ka̱majne̱ kjiꞌanga kꞌo̱xiéꞌaá,
kó chjanínkꞌájne̱ ńjño bandera̱jne̱ nga si̱ꞌantsjajne̱ Néná.
Néná ngatsjaá ngayeje ni xi chji̱e̱ꞌèe̱.
6Ngotꞌe̱ ꞌne̱, nga je be an nga Néná ꞌboxiéꞌá kui xi je jaꞌájin Kui,
kó ndeskande nínga síndo ndiꞌakꞌajmi tsjiee̱ sa̱ꞌínseén,
nga sa̱ꞌínkjién ngaꞌniuú tjia kixi̱i̱ kui xi ꞌboxiéꞌáná.
7Tjín xí karro̱ xi fíjo̱ kjo̱a̱xchán kjimaꞌniátakón,
kó kje̱ꞌe xí ndi̱je̱e̱ kjimaꞌniátakón,
ta̱nga ñá, jaꞌeén Néná boá xí jaꞌátsjienná.
8Kui xotaa̱ ndyi̱tsꞌènxkꞌién, kó kjiꞌbixó,
ta̱nga ñá ndyi̱bistjíe̱n nginíná, kó ꞌniú tindyión.
9¡ꞌNa̱xiéꞌéjne̱, ji Ne!
¡Ree̱ ngatsꞌénsénná ni̱xtjin nga ko̱ndókjo̱a̱a̱!
Seçili Olanlar:
Xo̱jo̱n Salmoo̱ 20: MAIX
Vurgu
Paylaş
Karşılaştır
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014