Salmos 100
100
Tsochjéheni kjuasáya Díos
1Chrotsjera, chrókócháhara la chrókjuíkosáyehéra Itꞌéni Díos,
jahara kaín chojni siín chjasintajni.
2Chrókócháhara, chrókjuíkosáyehéra Itꞌéni Díos.
Chrókócháhara, chrókóchjinara ti itjen chꞌan.
3Chrokjuatso̱anra kixin Itꞌéni mé Díos.
Jehe chꞌan mé tsíkjichꞌéna chꞌan ti jeheni
la jeheni mé kuènté chꞌan.
Jeheni mé chjasin kuènté Díos la ko kolélo kuènté chꞌan.
4Chrokꞌuixe̱hénra ti nda̱sin ndója ni̱nkué chꞌan,
chróchje̱héra Díos kjuasáya.
Chrotsjera, chrókjuíkosáyehéra Díos.
Chrochje̱héra Díos kjuasáya kjuachaxíen ihni̱é chꞌan.
5 #
1Cr. 16:34; 2Cr. 5:13; 7:3; Esd. 3:11; Sal. 106:1; 107:1; 118:1; 136:1; Jer. 33:11. *Kixin Itꞌéni Díos la jína chꞌan.
Jehe chꞌan la ti̱konoéhe̱ chꞌan ti jeheni nkochríxín,
la tjinki̱tsa chꞌan ti jeheni nánó tsjeje̱ la ko nánó tsꞌixehen.
Seçili Olanlar:
Salmos 100: poeNTplus
Vurgu
Paylaş
Karşılaştır
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2016, Wycliffe Bible Translators, Inc. All rights reserved.