SOERA ZINOENÕ 56
56
Sinoenõ 56.
Fangandrõ fanolo ba zi fatioe tõdõ andrõ ba fanõtõna ba daroma li Lowalangi andrõ.
1Chõ doeka wanoenõ andrõ, dali: ”Marafadi si lõ li, ba niha bõʼõ;” chõ Dawido; oemanõ, me laraʼoe ia Dawa Wilisiti ba Gata. (Sam. I. 21, 11—16).
2 Hachõsi tõdõ ndraʼo, Lowalangi, laʼisõ saʼae ndraʼo niha, lasasagõ ndraʼo sanoewõ, si lõ mamalõmalõ.
3Maʼomaʼõchõ laʼisõ ndraʼo si faʼoedoe chõgoe; ato saʼae zi fasoewõ chõgoe, seboea hocha.
4Na loeo ataʼoe ndraʼo, ba manõtõna ndraʼo chõoe.
5 Moroi ba Lowalangi wa oesoeno daroma linia; chõ Lowalangi manõtõna ndraʼodo, lõ ataʼoedo; hadia nilaoe nõsi niha chõgoe? (Sin. 27, 1; 118, 6. Jes. 12, 2. 51, 12. Heb. 13, 6).
6Maʼõmaʼõchõ latandraw̃aisi ligoe; ha sambalõ ba zi lõ sõchi aechoe geraʼerara chõgoe.
7Oroedoe ira, manaronaro; ladarodarogõ mbekagoe, si mane sangaloei famoenoe jaʼodo.
8Hadia, niʼorifi ira ba horõra andrõ? Timba tooe soi niha andrõ, jaʼoegõ Lowalangi, ba wõnoemõ. (Sin. 55, 24).
9No õʼerai woloiloigoe andrõ. Beʼe ba nahia andrõ chõoe daw̃a hõrõgoe andrõ. Tenga no so ia ba zoera chõoe?
10Ba lafoeli ira foeri sanoewõ jaʼodo, na loeo moeʼao ndraʼo; lõ mangiwa dõdõgoe, wa no awõgoe Lowalangi.
11 Moroi ba Lowalangi wa oesoeno daroma linia andrõ. Moroi ba chõ Jehowa oesoeno daroma li andrõ.
12 Chõ Lowalangi oedõnadõna; lõ ataʼoe ndraʼodo; hadia nilaoe niha chõgoe?
13Hadia nifaboeʼoegoe chõoe, ba õmõgoe, jaʼoegõ Lowalangi: oeboeʼa chõoe zoemange fangandrõ saoha gõlõ!
14Noa sa õʼefaʼõ nosogoe ba waʼamate, lõ ahele gahegoe õbeʼe ae, enaʼõ fõna Lowalangi mowaõwaõ ndraʼo ba haga zaoeri. (Sin. 116, 8. Job. 33, 30).
Seçili Olanlar:
SOERA ZINOENÕ 56: NIA
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.