SOERA ZINOENÕ 54
54
Sinoenõ 54.
Fangandrõ fangorifi ba famaboeʼoe fangandrõ saoha gõlõ.
1Chõ doeka wanoeno andrõ, fao mbiola. Famahaõ; chõ Dawido, me so mbanoea Zifi andrõ,
2me lamane chõ Zaoelo: ”Hadia, tenga ba chõma ibiniʼõ ia Dawido?” (Sam. I. 23, 19; 26, 1).
3 He Lowalangi! Orifi ndraʼodo tõimõ andrõ; ohe ba zatoelõ, ba waʼabõlõmõ andrõ.
4Fondrondrongo wangandrõgoe Lowalangi, beʼe mbõrõ dalingaoe ba wehede mbewegoe andre.
5Noa sa maoso niha bõʼõ, oedoegoe, sabõlõ zangaloei famoenoe jaʼodo; lõ ba doedoema hõrõra Lowalangi.
6Hiza, Lowalangi zanolo jaʼo, Soʼaja zanganaoeʼõ nosogoe.
7Mangandraoeli ba zi faʼoedoe chõgoe zi lõ sõchi andrõ; fakiko ira, ba waʼadoehoemõ andrõ!
8Ba oefosoemange ndraʼoegõ, soroi ba dõdõ, oesoeno dõimõ andrõ, jaʼoegõ Jehowa, me no si sõchi.
9Noa sa iʼorifi ndraʼo ba waʼaboe dõdõ andrõ fefoe; waʼomasigoe wamaigigoe si faʼoedoe chõgoe andrõ. (Sin. 59, 11).
Seçili Olanlar:
SOERA ZINOENÕ 54: NIA
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.