RUM 12 Popüler Kutsal Kitap Ayetleri

Paylaş

Ayen dayo puyan usun tanaʹ ini meden nyeluhan ikem dalem luhan ne. Di lareʹ dayo Allah pekaliu mung baloʹ pengudip kem cen dalem penawai hem, kanan kimet iaʹ mading. Idi hem tai tisen kumpin kimet Allah: ina puyan iaʹ tiga iaʹ sihoʹ neng pengubaʹ a, ngan iaʹ atek dengkep.

Moʹ ban sukung pengelesau Allah neng ilu, ina ukoʹ keʹ ngelapen dau pisiu ikem diaʹ cenganak keʹ, cuk ikem mencai usa hem me Allah, sereket ca liwa iaʹ mudip. Mentung ngkem seriteng neng gayeng nge iaʹ sihoʹ neng pengubaʹ a. Pekina puyan temameʹ kem iaʹ tekep me Allah.

Tiga pe ikem bangen lemuto kuʹun tebelum ngkem. Pedenaʹ tawai hem dalem penaru, ngan ayen beto lemameʹ.

Ayen supeʹ kuʹun puyan iaʹ jaʹat, dilareʹ pesupeʹ iaʹ jaʹat man puyan ncem iaʹ tiga.

Sanget le tawai hem malaʹ neng ikem selepeʹ, moʹ le pecenganak dalem Keristus. Pasa le ikem nyelama ikem semaheʹ apan.

Malaʹ kelunan ngan pengemalaʹ iaʹ atek lan. Miʹi neng iaʹ jaʹat. Kelampit neng iaʹ tiga.

Buk ke senteng cen ikem, nengayet cem mudip neng udip iaʹ tadan ngan mung dulu.

Ahaʹ cenganak diaʹ akeʹ malaʹ, ayen ncem ke nawai nyuaʹ penyalaʹ, di lareʹ pele ne kenca Allah ke nyuaʹ a ʹo. Moʹ un dau dalem Kitap Tuhan: “Akeʹ iaʹ ke nyuaʹ penyalaʹ. Akeʹ lete iaʹ ke nyuaʹ iaʹ teneng, kun dau Tuhan.”

Tangen ncem dalem gayeng ngkem, ayen leko. Ca le kimet cem mejo gayeng Tuhan.

Kuʹun pengelesau Allah ban naʹ gayeng ini makeʹ, ina ukoʹ keʹ tempa dau pisiu neng ahang ikem mung. Ayen kelempak badaʹ puyan ncem, ngan ayen pe ngediʹut te, bang badaʹ ne ngan sebelang kimet cem, bayaʹ ban tulat gayeng ngkem iaʹ ban Allah naʹ me singket usa hem kuʹun pengelan ncem.

Ayen nyuaʹ puyan iaʹ jaʹat man iaʹ jaʹat pelaʹa. Nengangan pekimet uyan iaʹ tiga neng penaʹat dulu.

Pebeka penawai hem ngan ca le kimet cem. Ayen balang tawai hem, bang saheʹ le ikem pemung ngan aheʹ diaʹ libaʹ tawai. Ayen ncem kenaʹ ikem tengen le iaʹ mencam.

Iaʹ tekep pe koʹ baʹan dau Kitap laʹa: “Buk bunoʹ koʹ laʹu, lemakan ne. Buk ke muʹang, cuk ke nisep. Moʹ ngan puyan iaʹ pekina, seleket seʹ koʹ pempun baha luten neng ulu ue, apan ne tisen saʹe.”

Nyat Allah naʹ peniga me aheʹ diaʹ nyakit ikem. Nyat ne peniga, ayen nunoʹ dulu. Bangen tawai hem ngan aheʹ diaʹ bangen. Nange hem ngan aheʹ diaʹ nange.

Buk cenganak kem dalem Tuhan kasip, mepo re, naʹ inu hem mida. Buk cenganak kem dalem Tuhan nai nyakai kaʹ lepoʹ, alaʹ de pejakaʹ ngan ncem.

Buk le pekata koʹ baʹan ca usa kelunan, kadoʹ sangat te. Singket singket sangat te ca naʹan gayeng nge. Koʹ baʹan ina are lete ilu. Naʹ pe ilu kadoʹ, ca le usa le pebulung dalem Keristus. Singket singket sangat te ida diaʹ nganun ida selepeʹ.