Akeʹ ke ngelidung ngkoʹ neng puyan lepoʹ Israil, pekina pe neng puyan lepoʹ diaʹ ca pe, moʹ akeʹ iaʹ cuk ikoʹ ketai palaʹ ida. Ikoʹ iaʹ ke mesik mata re, ngan pupa ida cen ntem, cuk ida sileʹ tahaʹ dema, pekina pe sau ida cen penyukat gaham Sitan iaʹ tuʹa bali, paso ida kedalem gaham Allah, idi penyalaʹ de pesau moʹ kuʹun pengelan nte neng akeʹ, pekina pe un ukoʹ de nai pebulung ngan kelunan diaʹ Allah ban lemileʹ.’ ” Pekina dau Yesus me Paulus.