Afocarifisi 21 Popüler Kutsal Kitap Ayetleri

Paylaş

Nii bana inae nerinaain chananaa, nerinaain onaa, inaderanaa, cunaeriin niha cachane jaan, naaonjoainuri. Nitohaneein inoaenlu nenaa ichaonaate inae nitaje”, naa erenaa dedeeu toniine janane aonaaun.

Nii janate: “Canune nacoauneein enachasine neein itolere coaaunaain neeun. Caa erenaa ichei aitorichaaunine jaan laenaaun. Acate esinae rauhijiriin nohanelanaala ichei aitorichaaunine rijijieein airichaainne coina erenaa ne”, nae canu rai, nii rori caohacha ichoae laujuai.

Nii janate, nii Cana Coauneraacha nelaurianajaan rori caohacha toniin: “Inae ena caje coaauneeite, cachaauru aina ichaoreein Cana Coaunera. Nii janate, acaauru aina ichaohane jana, rai cachaneein niha cuurureein. Chaaen techu nii jeelai Cana Coaunera, acaauru Coauneraneein acaauru aina nereein.

Nii baihate: “Inae nitohaneein ichanohiniha. Canune itolere nunuheteraneein satono teraneein neeun. Chateeinti cocoirihane jesinaeca arihane rijijieein Canu ariin ne, niine core colane cocoareeuni, nii chariji bana satonoelanaala ichaonaa tera jesinaeca que.

Chateeinti itolere necairichanaa abaantaain satono que tiaain ne, nii raite cainanohiniha cureein. Chaaen techu rai Coaunera nichaaunne jana, aca canu calaohineein nereein.

Nena laen nii Canu sacunaa jeriheichuru, nii Canu esenetana jeriheichuru, namute cacha cotaairiin nenacaauru, sonajaain jaaoreraauru, rai sinijeranelanaala nenaa ene aina ichao jeraquiin nenacaauru, namute quicha aina ichao jeraquiin nenacaauru, benaneein nenacaauru, nii ichanohichuru ecaanto coroaeraauru, satiin casajeeuru, naaonjoainurite, nii ohane baiha cacha itajeraneein nenaa usi conemuri asofereneein moconaa cuhane jaonojoiniha cuurureein”, nae canu rai.

Nii baihane ena nenaa chauratane, ena nenaa dede, naaonjoaain coaraaun, inae nitajiha nii jauriaanejeein nenaa dede, chauratane, cucuana, naaonjoainurine saijieein.

Nii janate, dedeeu Cana Coaunera acatiha nihane caje fauha uhe Cana Curuaanaa nese neein nenaa enachasine Jerosaleen. Charijieein teeinti, nelanajanaa jerihane caohatiin necoreeteein ne leinjiin ene, nii rijijieeinte jataain caohatiin rai necaohacha que necaohachaain niha nii ena nenaa Jerosaleeunne jana coaraaun.

Nii jaun coatiha enoto, atene, naaonjoainuri lateein nihei nii nese conaeranu que, inae rai necaohacha que conaa Cana Coaunerane jana, rai cono neein niha Carenero Narejeene jaun. Satiin lauri lauri ichaonacaauru cachaaurute, nii nese que conaeraain nii nese que amuhemuhecurureein. Nii jana satiin caa chauratane que nenacaauru curuaanaacuru reey churute, itolere acaauruacha latei teeurureein acaauru rai.