Locasiicha Laenai 5 Popüler Kutsal Kitap Ayetleri

Paylaş

Inae acaauru relaane nainaain jetaote: “Taa nemuri nucuaano que caa bote amaain, ecu caa inara rai redeeuru jaaochete ate mucuhichera”, naa Simoon raine jana jetaote

“Nena inae janoaajeein rede jaohacaanu natiin, leinjiinniji ate mucuelanaala jaohacaanura cacha relaera. Nenachu ii aitohine jaun, nacoaauneein caa redeeuru jaohin coaraa curichaanura”, naain jetao tonorae Simoon. Niritoha acaauru rai Jesosone jaun redeeuru jaooruhane jana jetaote, jataain arajiin ate mucuuruhane jaun jetao, ate caaun nesoaiji nii acaauru rai redeeuru.

Ne jetaote, tabaauru que acaauru caje amuhin, nii neniha cachane jaau cuhin jetao Cana Coaunera bajarejetelu Jesoso.

Coatihachu baaso ichacuruhane nihanatiin coitucunaa jeriheichuru cotihaca uhahaun. Leinjiin osaaocuruhane coitucuureraaurune cotijiaain, rai suujua coreein jeriha Cana Coaunerane rijijieein neeuruhane coinara”, naain jetao tonoranajae Jesoso.

Nitohaneein jataain arajiin ate mucuuruhane jaun jetaote, jataain cojoelatiin satiin nesoonetooruhane jaun, Jesoso tijia asae neseeonriaain jetao: “Jataain osaaotohanune jaun ii rohan nenaa nainihaaunta Curuaanaa”, nae jetao Simoon Fedoro nesoone caaun.

Niritocuruha nii aina nerelanacauru raine aonaain jetaote: “Coatiha coichaera latecuruhi raotojoeein raurohin nenacaauru. Leinjiin cunaitenacaauruhachate coichaera latecure.

Niritoha raine jaun jetaote, atane ichoae acaauru rai boteeuru inaain, jitariin niicha sirii ratiriin jetao Jesoso aina cuure Simoon Fedoro, Joaan, Saantiaao, naaonjoaihunri.

Nii baiha leinjiin neseu neeuruhane jana jetaote, Jesoso rene turuha cue leinjiin cacha cosibi ruhacaain caaun cunaitein, nitohanai cunai siricha cacha leeochaauru rohan turunaa nainenihane saijieein. Aca jetaote, Jesoso coaariin atane que nauri turuanacanejeein notoroaain jetao: “Ii jereeine canu rautaau caa canu cosibi cajera Curuaanaa”, naane jana jetao: “Jerichaaun chujian. Ii caje amuhine caa ii cosibi”, naain biji que dadae Jesoso, nihei chuni cacha, nitohaneein cosibi ruhacaera dadanaa nainenihane saijieein. Nitohaneein dadaa Jesosone rijieeoritiin jetaote, inae caje amue nii rai cosibichuru.

Ne jetaote, niritiin bihane caohatiha Jesosone saijieein, acaauru rautaane coinane maajeein jataain jelai amuritoheriin turuhacoaain coaraain aonaa uure cachaauru.