غَلاطِية 6 Popüler Kutsal Kitap Ayetleri

Paylaş

أَشَانْ دَا، خَلِّي نِسَوُّوا الْخَيْر دَايْماً وَ أَبَداً مَا نَكْسَلَوْا مِنَّهْ. بَعَدَيْن كَنْ مَا كِسِلْنَا، نَلْقَوْا مِنَّهْ فَايْدَةْ.

وَ أَشَانْ دَا، فِي أَيِّ وَكِتْ عِنْدِنَا فُرْصَةْ، خَلِّي نِسَوُّوا الْخَيْر لِكُلَّ النَّاسْ وَ خَاصَّةً لِأَهَلْ الْإِيمَانْ.

وَ فِي وَكِتْ التَّعَبْ، أَسَّاعَدَوْا أَمْبَيْنَاتْكُو. وَ مِثِلْ دَا، تِطَبُّقُوا وَصَايَا الْمَسِيحْ.

مَا تُغُشُّوا نُفُوسْكُو. اللّٰهْ مَا يِنْغَشَّ. الشَّيّءْ النَّادُمْ يِتَيْرِبَهْ، دَا بَسْ الْيَلْقَاهْ.

كَنْ نَادُمْ يِتَابِعْ شَهْوَاتَهْ الْفَسْلِينْ، هُو يَلْقَى مِنْ شَهْوَاتَهْ الْهَلَاكْ. وَ كَنْ نَادُمْ يِتَابِعْ الرُّوحْ الْقُدُّوسْ، خَلَاصْ هُو يَلْقَى مِنْ الرُّوحْ الْقُدُّوسْ الْحَيَاةْ الْأَبَدِيَّةْ.

يَا أَخْوَانِي، كَنْ وَاحِدْ مِنْكُو وَقَعْ فِي خَطَا، وَاجِبْ إِنْتُو الْقَوِيِّينْ بِقُدْرَةْ الرُّوحْ الْقُدُّوسْ تِخَتُّمُوا لَيَّهْ بِنَفَسْ بَارِدْ وَ تِقَبُّلُوهْ فِي الدَّرِبْ الْعَدِيلْ. وَ فَكُّرُوا لِنُفُوسْكُو أَشَانْ الذَّنِبْ الْيَجِي بِالتَّجْرِبَةْ مَا يِنَّصِرْ فَوْقكُو إِنْتُو كُلَ.

وَ كَنْ نَادُمْ سَوَّى نَفْسَهْ عَالِي مِنْ أَخْوَانَهْ لَحَدِّي مَا يِسَاعِدْهُمْ، بِالصَّحِيحْ هُو مَا يِسَاوِي شَيّءْ وَ غَشَّ نَفْسَهْ. خَلِّي أَيِّ وَاحِدْ يِجَرِّبْ الْخِدْمَةْ الْهُو ذَاتَهْ يِسَوِّيهَا لِلرَّبّ. وَ مِثِلْ دَا، هُو يَفْرَحْ بِخِدِمْتَهْ وَ مَا يِشِيفْ خِدْمَةْ هَنَا نَادُمْ آخَرْ. أَشَانْ أَيِّ وَاحِدْ مَسْؤُولْ مِنْ نَفْسَهْ.