2 R 4 Popüler Kutsal Kitap Ayetleri

Paylaş

'Ix yaln Eliseo 'a 'ix 'ixtic: —¿Tas pax tza nib'j tzin b'o 'ayach? Al 'ayin tastc 'ay 'a atut, xchi win 'a 'ix. —A wal an a checb' in tic, caw wal may jac tas 'ay 'a watut, cojn wal jun yune xalu aceite 'ayc' 'ayin, xchi 'ix.

'Ay jun 'ix yistl can jun win schecb' Dios, 'ix xit' 'ix 'at yal sb'a 'a Eliseo, 'ix yaln 'ix 'ixtic: —A win wichmil chamnc xo winac, 'in ojc ach tic to 'ay xiwc'ojlal win 'a Jehová. Ax ticnec 'ay jun win 'aj 'aycn smajn tumn win wichmil cha, 'ix jaw win 'ayin, tolab' tzwul yij 'at win chawn̈ eb' wune tic smosooc yic to man̈x yico'oc sb'a eb', xchi 'ix.

—'Ixc 'at c'an a majnc nan̈loc xalu to may sb'al 'a eb' cajn 'a a tz'ey, a tzyal jantc tz'ilchj o'oj.

Yajn̈ej tzach 'och mu'c yet' eb' one chi 'a yol atut, tza macn 'elt smac atut cha, tza b'ut'n smasnil jun tzo'n̈ xalu chi yet' aceite, chuc tza'cn jun tzo'n̈ tzb'ut'j cha, xchi 'a 'ix.

A yic 'ix lajw sb'ut'j smasnil jun tzo'n̈ xalu cha, 'ix yaln 'a junc eb' yune 'ixtic: —'Ij cot junc xo in xalu cha, xchi. —Man̈x 'a tas, xchi jun yune 'ix cha. Xlajw xoj cha, 'ix 'och wan yel jun aceite cha.

Yuj cha, 'ix 'at 'ix 'at yal 'a Eliseo. 'Ix yaln win 'a 'ix 'ixtic: —A ticnec 'ixc chon̈j aceite, tzlajw cha, tza'n pax q'uen a majn tumn cha, ax jantc to q'uen tzyac' sobra, tza c'an yet' eb' one cha, xchi Eliseo 'a 'ix.

Xlajw cha, 'ix 'at 'ix, 'ix smacn 'och sb'a 'ix yet' eb' yune chi 'a yol yatut, syamn 'och 'ix sb'ut'n jun tzo'n̈ xalu chi yet' aceite, atn jun tzo'n̈ xalu xit' smajnoc cot 'ix.

Xlajw cha, 'ix q'ue 'a sat ch'at cha, 'ix 'at pacn 'a yib'n̈ jun 'unn cha, 'ix ya'n 'ejm sti', yet' sat, yet' sc'ab' 'a yib'n̈ yic jun 'unn cha. 'Ix q'uixnj chan̈ sniwnal win 'unn cha.