Najə̄ kə́ Majə yā Jeju ń Mark ndang ní 13 Popüler Kutsal Kitap Ayetleri

Paylaş

De gə̄ malang a imə̄n̄sí tām̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní, a ajə.

Ə̄ndāī kum kedə̄ dɔ rɔ̄sí tə́ ō, á̰a̰ī já̰já̰ ō, tɔdɔ̄ ī-gerī kum mbang ń yá̰a̰ gə̄ a reēn̄neé ní alé.

Loo ń a aw̄n̄ sesí yā kəlasí jī ngé sarya gə̄ tə́ anī, ī-lōōī sōl̄ kəda kemsí tə́ kété na ké ā ə́daī na i rí wa. Kum mbang nəkɔ́ ń noō tə́ ní, i sḭḭ̄ n ā ɔ̄rī najə̄ alé, banī i *Ndíĺ kə́ Táĺ.

Dɔ rā̰ ō, dɔ nang ō, a mānə̄n̄, ba najə̄ yāḿ gə̄ a mānə̄n̄ alé.

Banī najə̄ kə́ dɔ ndɔ̄ ní tə́ ō, dɔ kum mbang ní tə́ ō ní, deē kógə̄ḿ kə́ ger̄ gətóo. I *de kə́ dɔ rā̰ tə́ gə̄ aĺ ō, i Ngōn̄ Nə́ɓā nəkɔ́ aĺ ō, banī i Bɔbə̄n tá ngóy.

Loo ń ā ōōī kōō de gə̄ kə́ a rɔ̄ɔ̄n̄ naā ō, kə́ a sāān̄ rɔ̄ɔ̄ naā ɓáý ō anī, ādə̄ ɓōĺ rāāsí alé, tām̄ i gáŕ kadə̄ yá̰a̰ gə̄ ń noō rāān̄ yá̰a̰, banī i ta ngóy ndɔ̄ gə̄ aĺ ɓáý.

I tām̄ najə̄ ń noō tə́ n majə kadə̄ á̰a̰ī já̰já̰ ní, tɔdɔ̄ sḭḭ̄ ī-gerī kum mbang ń kɔ́ɔ̄ kújə a téləń ní alé: I loo tíbí, aké i dan ndɔ̄ tɔyɔ́, aké i kə́ra kə̄njá nōō tə́, aké i dəloí, na sōgə́ ni-teē rétə́ anī, a əngesí dɔ ɓīī tə́. Ba yá̰á̰ ń m-ə́dásí toō, m-ə́da i de gə̄ malang: Ī-ndiī já̰já̰ dɔ rɔ̄sí tə́.

Tɔdɔ̄ nápar de gə̄ a ḭḭn̄ rɔ̄ɔ̄ dɔɔ́ kə nápar de kə́ rang gēé ō, gír ɓē ko̰o̰ gə̄ a ḭḭn̄ rɔ̄ɔ̄ dɔɔ́ kə gír ɓē ko̰o̰ kə́ rang gēé ō, dɔ nang a yéȳ kə̄ loo gə̄ tə́ ō, ɓō a əsō loo tə́ ō. I tītə̄ ta kəla gír ko̰y yā dəyá̰ kə́ nge rāā kem.

I gáŕ kadə̄ a ənīn̄ mbēr̄ Najə̄ kə́ Majə ədan̄ nápar de gə̄ malang kété pá tá.

Tɔdɔ̄ de gə̄ ngá̰ý a unən̄ rīḿ yā reēń ba kəda na i mā, adə̄ a gólə̄n̄ de gə̄ ngá̰ý.

Banī ādə̄ kumsí ngan̄g tɔdɔ̄ de gə̄ a əlan̄sí jī ngé rāā sarya gə̄ tə́ ō, a tə̄ndān̄sí kem kújə́ kán̄ naā gə̄ tə́ ō, a aw̄n̄ sesí kadə̄ ī-raī no ngé ko̰o̰ ɓē gə̄ tə́ ō, najə̄ yāḿ mā tə́. Loo ń noō tə́ ā ə́daī najə̄ kə́ kum tə́ kadə̄ oōn̄.

Tām̄ *Kərist kə́ rɔ̄kum aĺ gə̄ ō, *ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

Banī kem ndɔ̄ gə̄ ngeé ń noō tə́ ní, gō wur kɔl ń noō tə́ ní, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.