مارقُس 13 Popüler Kutsal Kitap Ayetleri

Paylaş

را‑كُن‑تكرهون كولّو مدّن ف‑سّيبت ن‑ما‑تگام وينو. ءيمّا وانّا ءيبيدّن ءيزگا ار ءيسيگُّرا را‑ينجم.

رارات لعاقل‑نّون تضوفم اشكو ءور‑تسّينم ماناگو ا‑را‑د‑يروح‑وزمز‑ان.

ءيغ‑كُن‑ومژن دحين‑كُن‑ين، اد‑ور‑تاسيم تاغوفت ف‑ما‑را‑تينيم. ءينيات اوال نّا‑ياون‑يملا ربّي غ‑تاساعت‑ان، اشكو ءورد كونّي ا‑يساوالن والاينّي رّوح لقودوس ن‑ربّي.

راد‑يتّين ءيگنوان د‑واكال والاينّي ءور‑سار‑يتّين ءيواليون‑ينو.

«والاينّي اسّ‑ان ءولا تاساعت‑ان ءور‑تن‑يسّين يان، لا لمالايكا ن‑يگنّا ءولا يوس ن‑بنادم. غير بابا لّي‑يلّان غ‑يگنّا، نتّان واحدوت ا‑يسّنّ.

ءيغ‑تسفلدم ف‑يماغن ءولا لخبارات ن‑يماغن اد‑ور‑تغووضم، اشكو ءيقّان‑د ا‑ييلي غايان، والاينّي ءور‑تا‑د‑يروح ءيسيگُّرا.

ضوفات ءولا كونّي، اشكو ءور‑تسّينم ماناگو ا‑را‑د‑ياشك بو‑تگمّي، ءيزد غ‑تدگُّات نغد امّاس ن‑ييض نغد اودّان امزوارو ن‑وفولّوس نغد تاواغلا ن‑تافوكت. ضوفات ا‑ور‑د‑ياشك غ‑كرا ن‑تاساعت لّي‑ور‑تغالم ياف‑كُن‑د تگنم. مايد‑اون‑نّيغ، را‑ت‑ينيغ ءي‑كولّو مدّن: ضوفات.»

را‑دي‑تنكر‑تقبيلت س‑تقبيلت تنكر‑د‑تگلديت س‑تگلديت، ءيلينت زّنزالات غ‑كرا ن‑تميزار ييلي‑وغني. والاينّي غاياد ءيگا غير ازبّار امزوارو ن‑تلاليت.

ءيقّان‑د ا‑تروح‑تبرّاحت لّخبار ءيفولكين كولّو تيميزار ن‑دّونيت ءور‑تا‑د‑يلكيم ءيسيگُّرا.

اشكو گّوتن غويلّي را‑د‑ياشك اسين‑د ءيسم‑ينو، كود يان ار‑يتّيني ءيزد نتّان ا‑يگان لماسيح. نتني راد‑جلّون مدّن گّوتنين.

«اويات‑ستّ غ‑يخف‑نّون. را‑كُن‑دحاين س‑لمحكامات، سّغورشن‑كُن غ‑تگُمّا ن‑تژالّيت. را‑تبدّادم ف‑سّيبت‑ينو غ‑لگدّام لّحوكّام د‑يگلدان اد‑اسن‑تاكّام توگّا فلّا.

اشكو راد‑د‑نكرن كرا ن‑مدّن، كود يان ار‑يتّيني ف‑يخف‑نس ءيزد لماسيح ا‑يگا نغد كرا ن‑نّابي، والاينّي ار‑سّكيركيسن. راد‑سكارن تيميتار د‑لمعجيزات ءيغ‑وفان اد‑جلّون ءولا غويلّي گانين وين ربّي.

«غ‑ووسّان‑ان غ‑تغوردين ن‑تنوكموت‑ان، را‑تلّاس تافوكت، ءور‑را‑يفاو‑وايّور. راد‑طّارن ءيتران زغ‑يگنوان، ار‑تياتّاينت تيفاوين ن‑يگنوان.