रोमियां 1 Popüler Kutsal Kitap Ayetleri

Paylaş

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

जिसे बेले कनु संसारा ची रचना हुली, नरीकारा चे अणङेखले गोण, ते हमेशा ची शक्‍ति, ते नरीकारा चा सुभाव, साफ-साफ ङिसे ते सृष्टि चे जरिये नरीकारा नु जाणले वी जाये। ऐवास्ते लौका कनु कुई बहाना कोनी।

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

कांकि वाणे नरीकारा ची सच्‍चाई नु बदलती कर कूड़े बणाती नाखले, ते सृष्टि ची उपासना ते सेवा करली, ना कि ओ रचने आले नरीकारा ची, जको सदा धन्‍न छै। आमीन।

नरीकारा चा गुस्सा तां वा लौका ची सब पाप ते बुराई उपर स्वर्ग़ा कनु प्रकट हुवे, जको सच्‍चाई नु बुराई लारे दब़ाली राखी।

ऐवास्ते नरीकारा ने वानु नीच कामना चे वशा मां छोड़ती ङिले। इठे तक कि वांचीया असतरीया वी सुभाविक यौन सम्बन्धा नु छोड़ती कर असुभाविक यौन सम्बन्ध करु लाग़लीया। यूंही मर्दा ने वी असतरीया लारे सुभाविक यौन सम्बन्ध छोड़ती कर आपस मां कामातुर ची वासना मां ब़लु लाग़ती गेले। ते मर्दा ने वी हेके ङुजे लारे गन्दे काम करती कर आपणे भ्रम चा ठीक फल पाला। ते जिसे बेले वाणे नरीकारा नु सुजाणने ची कीमत ही ना जाणली, ऐवास्ते नरीकारा ने वी वानु वांचे निक्‍कमे मना उपर छोड़ती ङिले, कि अनुचित काम करो।

वे आपणे-आप नु समझदार समझी पर वे मूर्ख छी। कांकि वाणे अविनाशी नरीकारा ची महिमा नु नाशवान इन्सान, ते पखीयां, ते ढौरा ते ढिड्डा भराणे चलणे आले जींया ची मूर्ति ची समानता बदलती ङिले।