Hakaroma 12 Popüler Kutsal Kitap Ayetleri

Paylaş

Mwa kurikanyitha nokaye kano kayara maharwero. Ene ghuhunga, Nyambi ngo gha pirure maghano ghenu kughupya. Ndani po mbo mu kona karo kudimuka eshi, nye mahimeno ghaNyambi agha gha tamba kughuwa kughutho wendi. No gha ghatambura mukuyarerera.

Apa no na kumutongwera mwayendhange, pathin̂eke thothikuru thaNyambi. Eshi, mukutape mwathinda kwaNyambi ghuyumi no yira miyambo dhokupongoka, edhi dha mu roghera Ye. Ethi thothinu thothihunga, thokukarera Nyambi no mwa kona kuthirughanitha.

Mu shamberere kumakurupero no mu tanare mumapethero, mu kon̂otwedhe mumandapero.

Mbadi wa kona kukuwitha ghuyi, ene withe ghuyi paghuhunga.

Mu kuneghedhe ruhakitho roghuyendha pofotji, mu kupe dikuto no mu kare mo nothitamenedhi.

Ruhakitho ru kone kukara ghuhunga. Shwene yoyimango no kukakatera kuyinu yoyiwa.

Ngeshi ghuhunga thika di ya mu roghera, mu pare muthiraro nawahe.

Mwa tenda nyinya mwathinda, mwahakwa, ene mu dhi thighe kundhango dhaNyambi. Yapwa kutjanga eshi: “Ame na kara nongcamu dhokuhumbitha, no mbo na ruweritha,” dyo ghana kughamba Fumu.

Mwa kasha muyirughana yenu, mu toghorope roruheya, no mu karere Fumu.

Pan̂eke dhi ha nipa, na kughamba kwakehe yu ghopapenu eshi: Wa kughayarera ghothinda thikuma, kupiterera yi ghuna himi kughayara. Yapira kadi kemo. Mu turumuke pofotji nothiyedhekeritho thomatawero, ethi gha tapa Nyambi kwayomuhe.

Mwa kuhuthera ghuyi noghuyi. Mu nongope hanu waheya.

Mukupakerere pofotji. Mwa kununeka, ene mukurikanyithe nawambiru. Mwa kupa maghano mwathinda.

“Ngeshi hafu ndhara mukan̂ore dhoye, mupe yokudya, ngeshi ghana fu dinota mu rakithe yoyi pakutenda yi, ghuna kumufitha honyi thikuma.”

Mu kandadheke hakakumukutha‐kutha, shemwa mu wa kandadheke no kadi wa kuwapa thikuto. Mu shamberere pofotji nawa hana kushamberera no mu tokote pofotji nawakakutokota.

Mu ghamwene hatawi hayendhenu mukunyanda kwawo, no mu yumburange hagenda.

Atwe twa kara noyipo yoyingi muyirama yofotji. Ene yipo yoyiheya yi, mbadi ya kara nothirughana thofotji. Natwe karo kemo, ngambi kenge twavura. Twa kara thirama thofotji mwaKristusi. No kehe yu ne thipo thi thakukarera.