MARKU 2 Popüler Kutsal Kitap Ayetleri

Paylaş

Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

Yesu gaw shanhte hta kam sham ai myit gade daram rawng nga ai hpe mu jang, “Sha e, na yubak dat kau ya sai,” ngu nna katsing si ai wa hpe tsun wu ai.

Dai hpang Yesu gaw, “Laban Nhtoi gaw masha a mai kaja lam a matu galaw da ai rai nna masha gaw Laban Nhtoi a matu hpan da sai n rai.

Masha wunawng sa hpawng chyat nga ai majaw shanhte gaw dai wa hpe shi kaw n jashawn lu mu ai. Dai majaw shanhte gaw nta numgaw ntsa de bai lung wa nna Yesu a ntsa ang ang na nta galup da ai wut pa ni hpe kayen gaw kau nna hku shawaw la nhtawm, dai wa hpe shi a yupra panep hte hpawn sumri hte shayu jahkrat dat mu ai.

Masha Kasha gaw ga ntsa e, yubak dat kau ya ai ahkang aya lu ai wa re ai lam ya ngai nanhte hpe madun dan made ga,” ngu nhtawm dai hkum katsing si ai wa hpe, “Ngai nang hpe tsun de ga, rawt u, na a yupra rai hta hpai nna nta de wa nu!,” ngu nna tsun wu ai.

Ndai hkum katsing si ai wa hpe, ‘Na yubak dat kau ya sade ai,” shing n rai, ‘Rawt u, na yupra panep hta hpai nna hkawm wa su, ngu nna tsun na gara mahtang grau loi nga a ta?’

Shanhte yawng la yu nga ma yang, dai masha wa rawt nna, shi a yup ra rai hta hpai let tin tin pru mat wa ai. Shanhte yawng mau mahka mat ma ai hte, Karai Kasang hpe shakawn kungdawn let, “Anhte galoi mung ndai zawn re ai n mu yu ga ai,” nga nna tsun ma ai.