Mag 12 Popüler Kutsal Kitap Ayetleri

Paylaş

Yeso ya ywìtì ibo gha, “Nɔ̀ʼɔ̀ ne che mə̀nɔ̀ʼɔ̀ məjìm ya gha, ‹O Mbə̰ mə̀Izre! Mbə̀ zug, Anɔŋisəg ìwa Ŋwiye, Anɔŋisəg ya məyi iwe imɔʼ. Àghò bèrì ni kɔ̀ŋ Anɔŋisəg ìwe Ŋwiye ane ìze fìŋ ijìm, tì ìwe ìtḛ̀ ijìm tì ìwe ikɔndi tijìm fɔrɔ ane ìwe ika ijìm.› Nɔ̀ʼɔ̀ ne beni abɔ̀ʼ ya gha, ‹Àghò kɔŋɔ wə̀d ne yaʼi iban ine icheg ne àghò kɔ̀ŋi ìwe nyɔd.› Chəyi nɔ̀ʼɔ ndəŋ ne chè mbo̰ məbe.”

Yeso ya bàd ane, kàrì ìmbi mə̀mə̀nənùg abɔ̀ʼ məd ghà inɔb gha, “Mə gha tesiʼ inən gha, iku-àyi gho̰ ne chəyi àze məd fə zì ikab ne nɔ̀ʼi chè ìwi bəd məjìm mbe ne zì ikab inga aghi ze. Wè zì chè bəd məjìm imbə̀ʼ icheg ne mbɔb məjìm ya nàʼà ìwɔb ikab inga ikab nɔʼ nɔʼ ne mbi beri. Àsi məd ne yaʼi iku-àyi ne chəyi àze məd, wì fə kùtì àbàn zì ikab ijìm ne wì bèri.”

Yeso ya chughi iban aghi ze ne mbi yaya zì ituti Ŋwiye inga. Wì yaya nḛ̀ icheg ne bəd yaya zìyè ikab inga aghi ze. Bəd ikab nɔʼ nɔʼ ya zì ikab ne nɔ̀ʼi. Iku-àyi mɔ̀ʼɔ ne chəyi àze məd ya pè zì ikab atə̰ mə̀kopà məbe ne inun məd ya icheg mə̀fraŋ ìghum.

Anug ni kɔ̀ŋɔ məd ane fìŋ ijìm, bə̀ kɔ̀ŋ ane ikɔndi ijìm, bə̀ kɔ̀ŋ ane ika ijìm bə̀ fɔrɔ anug ni kɔ̀ŋ wə̀d ne yaʼi iban ine icheg ne àghò kɔ̀ŋi ìwe nyɔd. Mə̀nɔ̀ʼɔ̀ mbe chè nyam tijìm te ne mbe tɔ̰̀ abə Ŋwiye bə̀ chè ighi àfàtì ijìm.”

Yeso ya ghà inɔb gha, “Mbə̀ naʼa ighi Kayisà abə Kayisà bə̀ nàʼ ighi Ŋwiye abə Ŋwiye.” Mbi ya taŋ yeti icheg ne wì ya ywìti ìngam we angu.