К Римлянам 12 Popüler Kutsal Kitap Ayetleri

Ӯм нунам югатун кияҳтыхпынаси. Йыӷлыги Кияӷныӷмун алъяңуҳтыстык нутаҳтыслъюки умьюгаси. Та̄хкын лӣгикылъықаҳси пиюкылъҳа Кияӷныӷым пинилӷӣ, тугуклъиӷьюгналӷӣ, қамахтӣңўа̄ӷңалӷӣлъю.

Ухпықа̄лгутымни, Кияӷнық наңлъыхтапихтутаңаның, ынңа̄талъ кайымамси тӯнысқылъюки югусиси Кияӷныӷмун уңувалӷӣңулюки аҳтутыт. Пылюңилъит, тугуклъиӷьюгнаӷлитлъю Кияӷныӷмун. Та̄наңӯқ манигӯтылъыпихси.

Қуяңатык қаюҳлъяк сиӷималъылгӯси, нуқытақитык ныкыхмылъюси сыӷлылӣныҳпысини, юӷаӷақитыклъю ӣўлың.

Кая̄лъқыстыхпынаси сыӷлыӷмун, итупилъ кая̄лъқитыху сыӷлық пинитун пилъыҳқун.

Пиниқутутык аңлыгуткулъҳӣстун. Қӯлва̄тутақитык пакихулъюку қӯлвӣсқысюлъыҳпысиның.

Пиниқитык ипапиҳқылъюси. Угумиклъюку сыӷлық, пиюкумаңинаҳтыху сяңўа̄ пинилӷӣ.

Пияҳқа̄кан, пӣқитыху сяңўа̄ пияҳқаҳси кияҳтысқылъюси ныкыхмылъюси тамаҳа̄нун.

Пиниқыхкамни, акинӣӷнақыхпынаки сыӷлытун пистыси, итупилъ пыхтыки Кияӷныӷым сякша̄лъҳанун. Акузитни Игақыхкани игақңалӷӣ хўатын: «Хўаңаңӯқ аӷью̄ӷияҳқақ, хўаңаңӯқ акинӣӷьяҳқақ, пӣқ Атанық».

Та̄куңинаҳа̄гның қыпҳаҳтык, иҳсянифқа̄фси. Сягиқулъюку қыпҳа̄тақитыху Атанық қамакын илюхпысиның.

Кияӷныӷым тӯныхкақутаңаның тунусямың апостолыңулюңа, тамаҳаҳпысинун пӣңа: Сюмыҳтаӷа̄ткыхпынаси лъпысиның пиниӷатаӷаӷнилюси аюқылъыҳпысиның. Йыӷлыги ипапиҳқылъюси сюмыҳтаӷа̄ткақитык ухпықилъыҳтулыхпысигун Кияӷныӷым тӯныхка̄кун лъпысинун.

Китум сыӷлытун пикаңиси, акитыхпынаки сыӷлытун. Пӣқитыки пинилӷӣт тугуклъиӷьюгналӷӣт тамаҳа̄нун.

Кияҳтык ныкыхмытулъюси. Қука̄юхтыхпынаси йыӷлыги илякитыки укаванталӷӣт. Сюмыҳтаӷа̄ткыхпынаси пыҳқинӷунилюси иляхпысиның.

Игақңа̄қлъю Акузитни Игақыхкани: «Аңуягын игата̄ңукан ныӷыснакын, мықсюгукан мыҳсинакын. Таўатын пикувгу на̄сқўакун маюҳфикылъықан кумаңалӷӣмың кӯлямың».

Юӷа̄ткақитыки амьюқыта̄ткистыси Кияӷныӷмун қуястысқылъюки, нака̄н ақниҳтысқылъюки. Қуялгусиӷақитыки тама̄кут қуялӷӣт, қиялгусиӷақитыки тама̄кут қиялӷӣт.

Ухпықа̄лгутыхпысинун аклъюлӷӣнун тӯнӣқитык, упуӷатӣқитык кинкуның алңунак.

Югусипут налиӷныҳтупихтут, тамаҳаӷми налиӷнық алъятун сяяҳқа̄гуқ. Угляӷьяӷңа̄мта, ата̄сигукут Христосым югусӣн. Ынка̄м хўаңкута налиӷныӷни хўаңкунъың пикутукут.