मत्ती 7 Popüler Kutsal Kitap Ayetleri

Paylaş

“परमेसरऊँ माँगो, जणा थानै दिओ जासी। अर ढुंढो जणा थानै लाधसी अर खुड़काओ जणा थारै ताँई खोल्यो जासी।

क्युं क जखो माँगै, बिनै मिलै ह, जखो ढुंढै ह बिनै लाधै ह, जखो खुड़कावै ह बि ताँई खोल्यो जावै ह।

“इ ताँई जखो बी मेरा बचनानै सुणै ह अर बापै चालै ह बिकी बराबरी बि बुदीमान मिनखऊँ करी गई ह जखो आपको घर ढाड प बणायो

इ ताँई थे मिनखाऊँ बंय्यां को बरताव करो जंय्यां को थे बाऊँ चाओ हो। क्युं क ओ नेम-कायदा अर परमेसर की खेबाळा क जरिए परमेसर दिओ ह।

पण सकड़ा बारना को गेलो जीवन कानि जार्यो ह। अर थोड़ा मिनख इ गेलै जार्या हीं।

“सकड़ा बारना क गेलाऊँ बड़ो क्युं क चोड़ा बारना को गेलो नास कानि लेज्यावै ह। बोळा मिनख ह जखा चोड़ा बारना का गेलाऊँ जार्या हीं।

ज थे बुरा होर बी थारा टाबर-टिकरानै चोखी चिज देबो जाणो हो। जणा थारो परम-पिता जखो ईस्बर नगरी म बिराजै ह बे बाऊँ माँगबाळा मिनखानै चोखी चिजा क्युं कोनी देसी?

“कोईका बी पाप भर्या करमा को न्याय मना करो जिऊँ परमेसर बी थारा पाप भर्या करमा को न्याय कोनी करसी। क्युं क थारो बी फेसलो बंय्‍यांई कर्यो जासी, जंय्यां थे न्याय करबाळी टेम दुसरा मिनखा क सागै करो हो। अर जि नापऊँ थे दुसरा ताँई नापो हो बि नापऊँई थारै ताँई बी नाप्यो ज्यासी।

पण जखो बी मिनख मेरा बचनानै सुणै तो ह पण बापै चालै कोनी, बो बि बावळा मिनख की जंय्यां ह जखो आपको घर बाळू प बणायो

तनै डूँगर बळती तो दिखै पण पगा बळती कोनी दिखै। तनै खुदकी बडी-बडी गळत्या तो सुजैई कोनी अर चाल्यो दुसरा की छोटी-छोटी गळत्यानै सुदारबा जणा पाछै तू कंय्यां खे सकै ह आ भाईड़ा म तेरी गळत्यानै सुदार द्‌युँ।

“थे बा परमेसर की खेबाळाऊँ बचर रेहज्यो जखा झूठ बोलै ह! बे लल्डी की खोळ म पाड़ खाबाळा ल्याळी हीं। पण थे बानै बाका करमाऊँ पिछाण लेस्यो। क्युं क थे जाणो हो क झाड़ी क अँगूर कोनी लागै अर नइ केर क अंजीर।

अंय्यांई चोखा दरखत क चोखा फळ अर बुरा दरखत क बुरा फळ लागै।

अर नइ एक चोखा दरखत क बुरो फळ लाग सकै ह अर नइ एक बुरा दरखत क चोखा फळ लाग सकै ह।

पण जि दरखत क चोखा फळ कोनी लागै, बिनै का'टर आग क मांयनै बाळ्यो जावै ह।