Mátyuu 7 Popüler Kutsal Kitap Ayetleri

Paylaş

Bí, ne a/chi a-koo. Kyé, ne a/chi a-já. Kíbî, ne dyifyi dyi/chi dyi-bâa dyi-tî ǒ.

Ké ebóng, nang yeě nké o/bí o/chi o-koo, ne nang yeě nké o/kyé o/chi o-já, ne dyifyi to dyi/chi dyi-bâa dyi-tî onet mú mu o-kíbî ng.

Nké nang yeě kâng nké o/jwo byiraa ejí ḿbyín, o-chi to eringe nyí byi/sét, o/chi o-kyú wǎ onet mú mu ne bubong, mú o/bi kyise emen twóóm kyíbóng-buká.

Chi banet byěm wǎ eringe nyí wo amu a-ryuu ng a/fu, mbé bachi ǒ. Ké ebóng, ńkyín nké nkyi dyishí ńdyí Byije-Músis ne ńdyí bamkpábé ḿbé badasét byiraa-Osówo ba/tángê to.

Dyifyi ńdyí kaǎníng ne kiǐfáng to ńkyí kyidasóng ecen byi-jâ ké dyikpen. Ne banet ba*da/jê ḿbé mbe ba-ri ng kándyí*.

Shwôm m̂ ké dyifyi ńdyí kaǎníng ne ba-nung, ké ebóng, dyifyi ńdyí dyi/rêe ne bukwóp to ḿbú boo*sóng ecen* byi-jâ ké kyikit-busông eri. Ne banet ba/jê ḿbé mbe ba-cen n ké mbú.

Ben mú bamu byibî-banet bamu ba-nyît ng eringe nyí badakye bwǎn enen byěm ḿbyí byinong byinong. Kyi-cen n nǎ kâng ne Bonchí enen mú kyíbóng oo*kye banet ḿbé ba/bí ǎ byěm ḿbyí byinong byinong*.

*Da n̂g echi ba-kûpan barî-banet mpan ké byiko* eringe nyí Osówo oo*ba/chi o-pan běn mpan*. Ké ebóng, Osówo o/chi o-pan ǒ mpan ké dyizong-bukwóp dyibónge ńdyí wo adapan barî-banet. Ne nyǐ o/chi o-pan ǒ to mpan ámu obónge mú wo a/pan barî-banet.

Nké nang yeě nké o/jwo byiraa ejí ḿbyín, nké o*da/chi eringe nyí byi/sét* o/chi o-kyú wǎ enyam-onet mú o/bi kyise emen ké éshíshě.

Ebóng kâng ńkyí wo amu a-kpúrî ng kiǐnfwarê ńkyí nkyi ké dyichi ńdyí wǎn-boné eyên, â wo a*fí a-kérê ng kyi-kim ne kiǐchwóm ńkyí nkyi ké dyichi ńdyí eyên wo oyén*. Wo a-cen n nǎ ne a-rêe dyityém, a-sét wǎn-boné eyên a/fu, mîng mě n-fîm ǒ kiǐnfwarê ké dyichi, mú wo amu ne kiǐchwóm ké dyichi ńdyí eyên.

Bám m̂ byiko enen kyi-kim ne bamkpábé ḿbé badasét byisédéng. Ba-ri ng kámbé ké enyam-byiko wǎ etám-ebû, nké atyém ebe nyi wǎ nyí ekpang. Ben ba-man n ecêe kámbé ké édúú ebe. Kyika kii*zím émurúkú*. Ako to aa*zím osén*.

Kyichí ńkyí nkyi kyinong kyi-zím m to byirim ḿbyí byinong. Kyichí to ńkyí kyi*fí kanong* kyi-zím m to byibî-byirim.

Kyichí ńkyí nkyi kanong kii*zím byibî-byirim*. Kyichí to ńkyí kyi*fí kanong* kii*zím byirim ḿbyí byinong*.

Kyichí nang kyirá ńkyí kyi*fí kyi-zím m byirim ḿbyí byinong* ba-twom m kánkyí ba-fé ké okwâ.