Matiyə̈ 14 Popüler Kutsal Kitap Ayetleri

Paylaş

Ndə̂ tche wûn yi ndə̂ âsə̂ lakə̂ mbo tə̂ gbölösə̂nə̈, wawa mbô tchë ânyë tche sə̂ lakə̂ mindi. Tche tâ wârə̂ päkëdə̂: «Gbölö Gbïɛ̈, tcha mê lə̂ kuzü!» Tchâme, Jezü yî könô yê sə̈ Pîêre, kə̈ zâ tchë ânyë kə̈ tô rə̂ sə̈ tchë päkëdə̂: «Momö, kə̂ za su zə̈ sə̈ mê wä kpîɛ̂kpîɛ̂ rə̂! Bëte giamâ kä ndə̂ su zə̈ wâ bïbïchuû pâ mê?»

Ndə̂ tche wûn yi ndə̂ âsə̂ lakə̂ mbo tə̂ gbölösə̂nə̈, wawa mbô tchë ânyë tche sə̂ lakə̂ mindi. Tche tâ wârə̂ päkëdə̂: «Gbölö Gbïɛ̈, tcha mê lə̂ kuzü!»

Kpro la tchêngbâ nə̈, Jezü tô rə̂ sə̈ andjê päkëdə̂: «Su nyê zɨ̈ tɨ-ë, mëmê kä! Wawa mböäbô nyê mbô-ê.»

Pîêre tô rə̂ sə̈ tchë päkëdə̂: «Gbölö Gbïɛ̈, âdə momö kä tə̂ lëge nə̈, amö zama ndə̂kə̂ pa më nə pâ ngû nə̈ ndə̂kə̂ e pu mö.» Jezü tô rə̂ ndə̂nə̈ sə̈ tchë päkëdə̂: «Nə atâ!» Pîêre wûtu lə̂ külû nə̈ kə̈ sə̂ lakə̂ nə pâ ngû nə̈ ndə̂kə̂ e pu Jezü.

Pânə̈ adjisîpili ndə̂ andjë sə̂ lə̂ külû nə̈ gʉ̂te tchâtchâ yê ânyë kə̈ tô rə̂ sə̈ tchë päkëdə̂: «Tə̂ lëge nə̈, mo wätə̂ Modô ndə̂ Ndjapä!»

Jezü tô rə̂ sə̈ andjê päkëdə̂: «Âwâbo pä andjë gu-a. Nyënyê la tə̂ nyê kä ndə̂ âkʉ kɨ̈zɨ̂ sə̈ andjê.» Andjë tô rə̂ ndə̂nə̈ sə̈ tchë päkëdə̂: «Ârâ wä kütû la mâpa mïndûu la agiangû bïchuû tchâtə.»

Jezü tô rə̂ sə̈ andjê päkëdə̂: «Nyë kä la rə̂ sə̈ mê.» Pânə̈ tche zâma sə̈ azü nə̈ ndə̂kə̂ pa andjë sə bêche pâ abë. Tche kʉ̂ mâpa mïndûu la agiangû bïchuû nə̈, kə̈ kênga la yê atə̂ lafô, kə̈ ê tchôtchô pö pânə̈. La tchêngbâ nə̈ tche tchô tchə̂lə̂ mâpa nə̈, tche kʉ̂ rə̂ sə̈ adjisîpili, ânyë andjë krʉ̂ tchə̂lə̂ nə̈ tə̂ azü nə̈ gbɛ̂.

Azü gbɛ̂ zɨ̂ rə tchə̂lə̂ andjê sɨ̂-î. Adjisîpili rʉ̂â adɨ̂ andöma nə̈ âsɨ̂ gbasa lə̂ könô gbɛ̂ tchêpâ nə̈ bïchuû.