Imetumo ge Watumwa 2 Popüler Kutsal Kitap Ayetleri

Paylaş

Petelo yakawatya, “Nenenyi no kubaputizwa wose, mwitagwa lya Yesu Kilisito, ho mutuje wunenelwe wo wubi wenyu; no kubocela acilya icipegwa co Muhe Mono Yelile.

Na wawa wose wakajendelela kwiyijiza kulawa kuli watumwa imikalile ye cindugu, mu wubegule wo mukate ne malombo.

Wose wakamemywa Muhe Mono Yelile, wakanza kulonga milonjele hayo hayo, nha vyono Muhe yawapela vilungo mu wulonje.

Hobaho kukaza nhinicizo cihumbi cikulawa ku wulanga nha ca mbeho mbaha yikukukunza, cikamema mu nyumba yose mono wali wekaye. Hobaho zikawalawila zinimi, zikegawa nha malambi go moto ako na ako, zikawatimila yumonga yumonga. Wose wakamemywa Muhe Mono Yelile, wakanza kulonga milonjele hayo hayo, nha vyono Muhe yawapela vilungo mu wulonje.

Nawo wakajendelela kwitang'anila mu Nyumba yo Mulungu no wuhile wumonga vilo vyose. Langa mwi'daha lyo wubegule wo mukate, wetang'anililaga mu zinyumba zawo, no kuhanga wose ndigwa yiyo ne nyemo na nhumbula nzelu, wakumulumba Mulungu, wakendwa ne wanhu wose. U Muwaha yakawa kuwonjelezeza nhondo zose iwanhu wono yawaponyaga.

‘Ku vilo vye ndumilizo vyo yolowa, yakutya Mulungu, nolowetila iwanhu wose Muhe wangu. Ne wana wenyu, we cilume na we cicekulu woloziganula izinghani zangu, ne wazelelo wenyu, wolowona wugubulilwe, Ne wakombi wenyu, wololota zindoto.

Na wose wono wali wehuwila wakajendelela kuwa cinhu cimonga, wakawa wahanjiye vyose; wakaguza sawo zawo, ne vitumbilwa vyawo, wakawa kugawana zipesa wose, munhu nha vyono yasakaga.

Baho, muli wose mono kololomba mwitagwa lyo Muwaha yo kolopona.’

Lizuwa lyolopituswa liwe citi, no mwezi wolopituswa wuwe sakami, lono lyowa likali si naza ilizuwa lyo Muwaha, lizuwa liwaha litambule