റോമര് 1 Popüler Kutsal Kitap Ayetleri

Paylaş

കിരിശ്‌ത്തുവിലെ നല്ലെ ചേതിയെ വുളിച്ച് ചൊന്നത്തിൽ എനക്ക് ഒരു വെക്കക്കേടുമില്ലെ; എന്തൊണ്ണാ മുതെ എകൂതരും പിന്നെ എകൂതരല്ലാത്തവേരാളും അകനെ ആരെല്ലാം നല്ലെ ചേതിയെ നമ്പിനതോ അവറാത്തുക്കെല്ലാം രച്ചെ കിടയ്‌ക്കിളത്തുക്കൊള്ളെ തെയ്‌വ ചക്കിതി ഇം നല്ലെ ചേതിനാലെ കിടയ്‌ക്കിനെ.

“നീതിമാൻ തെയ്‌വത്തിലൊള്ളെ നമ്പിക്കേൽ പിശയ്‌ക്കും” ഒൺ എളുതിയിരുക്കിനെ. അത് എകനയൊണ്ണാ ഒരാ നല്ലെ ചേതിയെ നമ്പി അം നമ്പിക്കേൽ നിലെ നിൽക്കിനവോളെ തെയ്‌വത്തിലെ നീതി എന്തൊൺ അവനുക്ക് തിക്കിലൊണ്ടാകേക്ക് മുടിയും.

കരുത്താവ് എകത്തവനൊണ്ണും അവൻ മകിമെ എപ്പേരുപ്പട്ടതൊണ്ണും നങ്കെ കണ്ണാരെ കാൺമ്പേക്ക് മുടിയാത്ത്; ഒണ്ണാ അവൻ പടച്ചെ വാനം പൂമി അത്തിൽ ഒള്ളതുകാടയെല്ലാം നങ്കെ കാണവോളെ അവൻ എപ്പേരുപ്പട്ടവൻ ഒൺ കാൺമ്പേക്കാകും. അതുനാലെ അവനെ തിക്കിനാത്തെ ഒൺ ചൊല്ലി തപ്പിക്കേക്ക് ആരുക്കും മുടിയാത്ത്.

അവറാത്തുക്ക് തെയ്‌വമെ തിക്കിനൊണ്ടായപ്പണും അവനുക്ക് മകിമേ കൊടുക്കയോ അവനുക്ക് നണ്ണിയെ ചൊല്ലുകയോ ചെയ്യതില്ലെ; ഒണ്ണാ അവറെ പുത്തി കെട്ടുപോകേം അവറളിലെ പുത്തിനാത്തെ ചങ്കടച്ചു പോകേം ചെയ്യെ.

അവറെ തെയ്‌വത്തിലെ ചത്തിയമെ നരിയൊണ്ണാക്കുകേം കരുവെപുടിച്ചെ കരുത്താവുക്ക് പകറം തെയ്‌വം പടച്ചുവുട്ടെ ഒവ്വൊരു ഏത്തുകാടെ കുമിടെ വാങ്കുകേം ചെയ്യെ; കരുവെ പുടിച്ചവൻ എണ്ണണ്ണേക്കും മകത്തപ്പടട്ടെ, ആമേൻ.

അകത്തെ നമ്പിക്കെ നാത്താ തെയ്‌വത്തുകാൽ പേടിനാത്താളും അനീതി ഒള്ളാളും തെയ്‌വമും മത്തും ഒരു കൂട്ടായ്‌മേം നാത്താളും താൻ. അകനെ ഒള്ളവനേത്തിൽ തെയ്‌വത്തിലെ കോപം വന്തുറങ്കും.

ഇതുനാലെ തെയ്‌വം അവറളെ വെക്കം കെട്ടെ കാരിയങ്കാട്ടുക്ക് ഏത്തു കൊടുത്തെ; അവറളിലെ പെണ്ണാകാട് നേരുമയാനെ കിടത്തകാടെ വുട്ട് പെണ്ണാകാട് പെണ്ണാകാടേ തിശകെട്ടെ കിടത്തെ കിടന്ത് എളിവട്ടെ. അതുവോലെ ആണാകാടും ആൺപെൺ കിടത്തേ വുട്ട് അവറെ അക്കിക്ക് വെരിയോറി ആണാകാട് ആണാകാടേ തിശകെട്ടെ കിടത്തേ കിടന്തെ. ഇകനെ അവറെ ഉടവുറാത്തുക്കേ തണ്ടനയെ വലിച്ച് വച്ചെ. തെയ്‌വമെചൊല്ലിയൊള്ളെ ചത്തിയമാനെ അറിവുകാടെ വീയ് ഒറിഞ്ചനാലെ തെയ്‌വം അവറളെ ചെയ്‌കേക്ക് കൂടാത്തെ മോശമാനെ കാരിയങ്കാടെ ചെയ്യിനെ മനശീക്ക് ഏത്തു കൊടുത്തെ.

തങ്കെ ചരിയാനെ അറിവാളികെ ഒൺ അവറളേ ചൊന്നെ; ഒണ്ണാ അവറെ പുത്തി നാത്തവേരാതാൻ. ഒരുനാളും നാശമായ് പോകാത്തെ തെയ്‌വത്തിലെ മകത്തമെ തിരിത്തിരമാക്കാതെ നാശമടേനെ മനിശൻ, പയ്‌ക്കി, ചീവാതികാട്, ഊരുന്തു നടക്കിനെ ചീവാതികാട് ഒണ്ണതുകാടെ തെയ്‌വമായ് കണ്ട് അതുകാടെ കൊണ്ടാടിയെ.