प्रकाशन 6 Popüler Kutsal Kitap Ayetleri

Paylaş

मुखा शुझुअ तिधी एक शुआ रंगो घोल़अ अर तेऊए शुंआरो नाअं आसा मौत, अर जम्पर आसा तेऊ पिछ़ू-पिछ़ू लागी दी एछदी अर तिन्‍नां लै दैनअ पृथूई दी रहणैं आल़ै मांझ़ै च़ौथै निसबा मारी पाणैओ हक कि तिंयां तिन्‍नां तलबारा करै, नकाल़, माहा मरी अर पृथूईए बणें पशू करै तिन्‍नां मणछा मारी पाए।

तेखअ भाल़अ मंऐं कि एक शेतअ घोल़अ आसा अर तेऊओ शुंआर आसा हाथै धणश लई, अर तेऊ लै दैनअ एक मुगट, अर सह निखल़अ स्वर्गा का ज़ितै दै जोधै ज़िहअ ज़ै-ज़ैकार करदी पृथूई लै कि सह भिई ज़िती एछे।

ज़ांऊं तेऊ पांज़ूई मोहर खोल्ही, मंऐं भाल़ै बेदी हेठै तिन्‍नां लोगे प्राण, ज़ुंण परमेशरे बैणे अर तेऊए खुशीए समाद खोज़णैं पिछ़ू मारी पाऐ तै।

तिन्‍नैं पाई ज़ोरै-ज़ोरै परमेशरा का पकार, “हे मालक, ए पबित्र अर सत्त, ताह केभै तैणीं निं नसाफ करनअ? अर पृथूई दी रहणैं आल़ै का म्हारै लोहूओ बदल़अ केभै तैणीं निं ताह लणअ?” तिन्‍नां सोभी लै दैनै शेतै झिकल़ै अर तिन्‍नां लै डाहअ इहअ बोली, “धख करा तम्हैं होर थोल़ी घल़ी बशैघ। ज़ेभै तैणीं कि थारै साथी-संघी दास, भाई ज़ुंण तम्हां ई ज़िहै मारी आसा लाऐ दै, तिन्‍नें बी गणांई पूरी नां होए।”

तेभी निखल़अ एक आगी ज़िहअ लाल घोल़अ बागै। तेऊ घोल़ै प्रैंदै शुंआरा लै दैनी परमेशरै एक तलबार अर तेऊ लै दैनअ इहअ हक कि पृथूई का कर शांती खतम ताकि तिंयां एकी-दुजै काटी मारी पाए।

“किल्हैकि सह घोर कठण धैल़ी गई पुजी ज़ेभै परमेशरा अर मिम्मूं तिन्‍नां लै सज़ा दैणीं।”

ज़ांऊं तेऊ छ़ऊऐ मोहर खोल्ही, मंऐं भाल़ी एक बडी ज़ाज़री हुई अर सुरज़ हुअ काल़ै दोहल़ू ज़िहअ काल़अ अर पूरी ज़ोथ हुई लोहू ज़ेही लाल। सरगे तारै पल़ै पृथूई दी इहै ज़िहै ढिश-बागर करै पाक्‍कै दै फेडू धरनीं अल़ा।

ज़ांऊं तेऊ चिऊथी मोहर खोल्ही, मंऐं शूणअ चिऊथअ प्राणीं इहअ बोल्दअ, “एछ!” अर मुखा शुझुअ तिधी एक काल़अ घोल़अ निखल़अ बागै अर तेता प्रैंदै शुंआरा का आसा एक तराकल़। मंऐं शूणैं तिन्‍नां च़ऊ प्राणीं मांझ़ा का इहअ बोल बोल्दै, “च़ंदीओ सिक्‍कैओ एक सेर कणक, अर च़ंदीए सिक्‍कैओ चअन सेर ज़ौ। पर जैतूने तेले बूट, दाखे बागा निं हान्‍नी करी।”

सरग मल़ेठुअ इहअ, ज़ेही पराणीं जंतरी मल़ेटा अर हरेक धारा अर टापू टल़ै आपणीं ज़ैगा का पोर्ही। तेखअ लुक्‍कै पृथूईए राज़ै, प्रधान, सरदार, सेठ, जोधै अर हरेक गलाम अर हरेक आज़ाद मणछ धारा खोखा अर डुआरै।